Bundsministerium för Atomfragen

Vun Wikipedia

Dat Bundsministerium för Atomfragen (BMAt) is op Besluss vun’t Bundskabinett vun’n 6. Oktober 1955 grünnt worrn. De eerste Bundsminister vun dit Ressort is Franz Josef Strauß wesen, de vörher as Bundsminister für Sünneropgaven arbeit hett. Dat wichtigste Gremium weer de Atomkomisschoon.

Dat BMAt is in de Johrteihnten dorna mehrmols ümnöömt worrn. 1957 weer dorut dat Bundsministerium för Atomkarnenergie un Waterweertschop (BMAtW), 1961 dat Bundsministerium för Atomkarnenergie (BMAt), 1962 dat Bundsministerium för wetenschopplich Forschen (BMwF) un 1969 dat Bundsministerium för Bildung un Wetenschop (BMBW)

As an’n 15. Dezember 1972 dat Bundsministerium för Forschen un Technologie grünnt worrn is, is de Tostännigkeit för de Karnenergie nee regelt worrn. Vundaag is dat Bundsministerium för Ümwelt, Naturschuul un Reaktersekerheit för Atomfragen tostännig. De Behörden, de för’t Tolaten un för de Opsicht över de karntechnischen Anlagen (Atomopsicht) tostännig sünd, sünd op Landseven in verschedene Fackrebeden ünnerbröcht.

Literatur[ännern | Bornkood ännern]

  • T. Seul: Bundesministerium des Innern - Teil 1: Abt. RS - Reaktorsicherheit und Strahlenschutz, 2006, ISBN 3865095879