Brammerhagen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21079 | |
| Vörwahl: | 040 | |
| Geograafsche Laag: | Koordinaten:53° 27′ N, 10° 2′ O53° 27′ N, 10° 2′ O | |
|
| ||
Brammerhagen (hoochdüütsch Brammerhagen) is en lütten Oort in’n Stadtdeel Neeland von de Stadt Hamborg. De Oort höört polietsch al von öllers bi Neeland mit bi.
Geografie
[ännern | Bornkood ännern]Brammerhagen liggt in de Masch von de Süderelv, aver al na dat Randmoor hen, dat an de Kant na de Geest liggt.
De Naveröörd sünd Neeland in’n Noorden, Fiefhusen in’n Oosten, Bullenhuus in’n Oosten, Groot un Lütt Moor in’n Süüdoosten, Good Moor in’n Süden, Wilsdörp in’n Westen un Horborg in’n Noordwesten.
Historie
[ännern | Bornkood ännern]As in de Tied bet 1962 de Hambörger Süüdümgehung von de Autobahn 1 boot worrn is, is de Trass merrn dör Brammerhagen leggt worrn. De een von de twee Hööv liggt nu op de Westsied von de Autobahn un de annere op de Oostsied.
Verwaltungsgeschicht
[ännern | Bornkood ännern]De Oort hett vör 1885 to de Vaagdie Neeland-Over in dat Amt Horborg tohöört. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn. Mit dat Groot-Hamborg-Gesett von 1937 is de Oort denn an Hamborg kamen.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 16 Lüüd, 2 Hüüs |
| 1. Dezember 1871[2] | 19 Lüüd, 2 Hüüs |
Religion
[ännern | Bornkood ännern]Brammerhagen is evangeelsch-luthersch präägt un höört to dat Kaspel von de Johannis-Kark in Horborg, dat tohoop mit de Dreefaltigkeitskark de Karkengemeen Trinitatis billt.
För de Kathoolschen is de Franz-Joseph-Kark in Wilstörp tostännig. Von 1864 bet 1914 weer de St. Maria-Kark in Horborg för de Kathoolschen tostännig. Disse beiden Karken billt siet 2006 tohoop de Karkengemeen St. Maria-St. Joseph.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Brammerhagen is över Good Moor in’n Noordwesten an Horborg anslaten. Dor liggt de Autobahn 253. De Opfohrt 5 Horborg-Midd liggt so dree Kilometer in’n Westen von Brammerhagen. De Autobahn 1 löppt merrn dör den Oort. De nächste Opfohrt is aver eerst de Opfohrt 38 Horborg veer Kilometer in’n Noorden.
De nächste Bahnhoff is so bi dree Kilometer wied weg in’n Noordwesten de Bahnhoff Horborg.
Footnoten
[ännern | Bornkood ännern]- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130: https://books.google.de/books?id=qTZDAQAAMAAJ&pg=RA2-PA130
