Borgleessem

Vun Wikipedia
(wiederwiest vun Borglesum)
Stadtdeel vun Bremen
Borgleessem
Borgleessem
Wat to seggen is  Rang 
Flach: 25,84 km² 4/23
Inwahners: 33.300 8/23
Inwahnerdicht: 1289 Inwohners/km² 17/23
Andeel Butenlänners: 8,6 % 17/23
Arbeitslosenquoot: 19,7 % 12/23
Wannehr: Midde 2005
Ortsdelen: Borg-Grambke, Werderland,

Borgdamm, Leessem, St. Magnus

Website: Oortsamt Borgleessem
E-Mail-Adresse: office@oaburglesum.bremen.de

Borgleessem (Hoochdüütsch: Burglesum) is en vun de Stadtdeelen vun Bremen. He höört to’n Stadtbezirk Noord. Hüdigendags wahnt dor bi 33.300 Inwahners. Sien Naam hett he vun de beiden olen Oortsdelen Borg un Leessem. De Oortsdeel Leessem wedder hett sien Naam vun den Leessem-Stroom, de dor dörfleten deit. To Borgleessem höört de Oortsdelen Borg-Grambke, Werderland, Borgdamm, Leessem un St. Magnus. In’n Noordoosten grenzt Borgleesem an Hu’e, in Noordwesten an Swanewede, de beide in Neddersassen liggt. In’n Westen grenzt de Stadtdeel an dat breemsche Vegesack un in’n Süden (vun West na Oost) an de Bremer Stadtdelen Habens, Gröpeln un Blockland.

Korte Historie[ännern | Bornkood ännern]

Üm dat Johr 860 rüm kann een to’n eersten Mol wat vun Leessem hören. In en Urkunn steiht de Naam as Liastmona upschreven. 1063 schenkt de düütsche König Hinrich IV. den Bremer Arzbischop Adalbert de Gegend vun Leessem (Liestmunde). Adalbert lett dor en Kapell boen un wieht se för den Hilligen Magnus. 1185 is to’n eersten Mol wat vun den Oortsdeel Grambke to lesen un 1277 warrt to’n eersten Mol wat vun de Borg an de Lesum vertellt. 1388 boot Bremen en Brugge över de Leessem un lett dor ok en Damm anleggen (Borgdamm). An’n 14. Juli 1653 leggt de sweedschen Truppen de Borg in Leessem in’n Dutt. Erst 1803 kaamt Borg, Grambke, Grambkermoor, Middel- un Nedderbüren na dat Bremer Landgebiet. 1860 warrt de Gemeende Borgdamm nee tohopenschostert ut de vörmaligen Gemeenden Massel, Borgdamm un Vörborgdamm. 1879 köfft de Baron Ludwig Knoop Delen vun dat Dörp St. Magnus. 1915 un 1921 weert de Landgemeenden Borg un Grambke Deel vun de Stadt Bremen. 1939 gifft dat en grote Reform in dat Bremer Landgebiet. Dor kaamt Leessem, St. Magnus, Borgdamm, Grambkermoor, Büren un Lesumbrook denn to de Stadt Bremen mit to.

Verkehr[ännern | Bornkood ännern]

  • Na Borgleessem kann een mit de Iesenbahn vun den Bremer Hööftbahnhoff ut goot henkamen.
  • De Stadtdeel liggt an de A 27 un de A 270

In’n Middelbüren gifft dat en lüttje Kaje för Utfloogscheep vun Bremen un Bremerhoben.

Oortsdelen[ännern | Bornkood ännern]

St.-Martini-Kark in Bremen-Leessem, vun den Haben ut ankeken

Literatur[ännern | Bornkood ännern]

  • Klaus auf dem Garten: Yacht- und Bootswerft Burmester, Bremen : 1920 - 1979 ; ein bedeutendes Kapitel deutscher Bootsbau- und Segelsportgeschichte, Bremen 2002
  • Johann Hägermann: Heimatbuch des bremischen Werderlandes / Unter Zugrundelegung der Geschichte der Gemeinden Grambke und Büren von Heinrich Hoops (1905), Bremen-Vegesack 1951
  • Heinrich Hoops: Geschichte der Gemeinden Grambke und Büren im Gebiet Bremen, Bremen 1905

Weblinks[ännern | Bornkood ännern]