Birgit Honé

Vun Wikipedia
Zur Navigation springen Zur Suche springen

Birgit Honé (* 8. November 1960 in Bad Schwartau) is en düütsche Verwaltungsbeamtin.

Honé is 1960 in Bad Schwartau boren un in Stell opwussen.[1][2] Na dat Abitur 1979 an dat Gymnasium Karkdörp in Willemsborg hett se von 1979 bet 1988 Juristeree an de Universität Hamborg studeert[2] un weer na dat Studium von 1988 bet 1990 Geschäftsföhrerin bin Jugendverband Die Falken, Bezirk Hannover.[1] Von 1990 bet 1992 weer se Parlamentarsche Referentin von de SPD-Frakschoon in’n Landdag von Neddersassen un dor tostännig för de Rebeden Soziale Saken, Arbeid, Wahnungsbo un Gliekstellung.[1] Denn hett se von 1992 bet 1994 as Leiterin von dat Ministerbüro von’n Sozialminister Walter Hiller arbeidt un von 1994 bet 1999 as Geschäftsföhrerin von de SPD-Landdagsfrakschoon.[1] Von 1999 bet 2002 weer se Abteilungsleiterin bi de Neddersassische Staatskanzlie.[1] Toeerst Abteilung 2 (Recht, Verwaltung, Personal) un denn Abteilung 1 (Richtlinien der Politik, Ressortkoordinierung, Kabinetts- und Bundesratsangelegenheiten).[1] In dat Johr 2002 hett se dat Amt as Regerungspräsidentin von’n Regerungsbezirk Lümborg övernahmen.[1] Dat hett se aver al an’n 4. März 2003 wedder afgeven, as dat Kabinett Wulff I (CDU/FDP) in Neddersassen de Regeren övernahmen hett.

2004 bet 2013 weer se Liddmaat von’n Senaat bi’n Neddersassischen Landsrekenhoff un dor bet 2010 tostännig för de Rebeden Binnenministerium, Ümweltministerium, Buereeministerium un den Verfatensschutz.[1] Siet 2011 is se tostännig för de Rebeden Binnenministerium, Sozialministerium un den Verfatensschutz.[1] An’n 19. Februar 2013 is Honé in dat Kabinett Weil Staatssekretärin in de Neddersassische Staatskanzlie worrn.[1]

Se is bet 2002 Liddmaat in’n Opsichtsraad von de Neddersassische Sellschop för Endlagerung von Sonderaffäll ween, bet 2003 von de Entwicklungssellschop Jade-Weser-Port un bet 2003 von de Seefischmarkt und Hafenumschlag Cuxhaven GmbH.[1] Bet 2002 weer se Liddmaat in’n Biraad von de Neddersassische Wattenmeerstiftung.[1] 2014 is se Liddmaat von’n Verwaltungsraad von de NBank worrn.[3]

Honé is scheedt, hett een Dochter un leevt in Seinje.[1][4]

Footnoten[ännern | Bornkood ännern]

  1. a b c d e f g h i j k l m http://www.stk.niedersachsen.de/startseite/staatssekretaerin/staatssekretaerin-birgit-hon-113635.html
  2. a b http://www.abendblatt.de/hamburg/harburg/article106910678/ABITUR-IN-KIRCHDORF.html
  3. Landesregierung beschließt Berufung von Staatssekretärin Birgit Honé in den Verwaltungsrat der NBank, nbank.de
  4. Honé wird Schatten-Ministerin bei Weil, Hannoversche Allgemeine von’n 7. Oktober 2012