Ben Sombogaart

Ben Sombogaart (* 8. August 1947 in Amsterdam) is en nedderlännschen Speelbaas, de in sien Heimat vun vele Kinnerprogrammen un -filmen bekannt is. He hett twee Söhnen, de Tweeschen Boris un Kevin.

Leven

Sombogaart is an de Filmakadmie in Amsterdan utbillt worrn un hett dorna 1985 un 1985 toeerst an de Produkschonen Allemaal tuig! un Achterwerk in de kast arbeidt. Later hett he tosamenarbeidt mit den Filmproduzenten un Schriever Burny Bos. Se hebbt tohopen 1989 den Jöögdfilm Mijn vader woont in Rio dreiht. Mit sien Film Het Zakmes ut dat Johr 1993 hett he as Beste Speelbaas dat Goldene Kalf wunnen un dorto ok en Emmy. Na dissen Spood kemen noch mehr Filmen un Feernsehregen, as ton Bispeel Dag Juf, tot morgen, De jongen die niet meer praatte oder Mijn Franse tante Gazeuse. För sien Film Abeltje hett he noch mol wedder dat Golden Kalf kregen.

Internatschonal bekannt worrn is Sombogaart int Johr 2002 mit den Film De Tweeling na dat Book vun Tessa de Loo, wat sien eerst Filmdrama weer, dat nich as Jöögdfilm dacht weer. Dorna hett he wietere Böker vun Annie M.G. Schmidt un anner Schrievers verfilmt un is ok noch wedder uttekent worrn.

Filmografie (Utwahl)

Johr	Titel	Anmarken
1982	Allemaal tuig!	ok Dreihbookschriever
1989	Mijn vader woont in Rio dt.: Mein Vater wohnt in Rio	ok Dreihbookschriever
1989	Buurmann Bolle, Feernsehreeg
1990	Ko, de boswachtershow, Feernsehreeg
1991	Dodelijk redmiddel, Feernsehfilm
1992	Het Zakmes dt.: Dat Taschenmesser
1993	Mus, Feernsehreeg
1994	De Pianiste, Feernsehfilm
1994	Dag Juf, tot Morgen, Feernsehfilm
1996	De Jongen die niet meer praatte
1996	Mijn franse tante Gazeuse
1998	Abeltje dt.: Abeltje, der fliegende Liftboy
1998	Abeltje, Feernsehreeg dt.: Abeltje, der fliegende Liftboy	Spin-off vun den Film
2000	In goede aarde: Yesterday
2002	De Tweeling dt.: Der Zwilling
2004	Pluk van de petteflet dt.: Ein Platz für Pluk
2004	Ibbeltje, Feernsehreeg
2006	Kruistocht in spijkerbroek dt.: Kreuzzug in Jeans
2009	De storm
2011	Isabelle
2008	Bride Flight

Utteken

Ben Sombogaart is opstunns för sössteihn Filmpriesen nomineert wesen un hett dorvun negen wunnen. De Tweeling weer sogor för den Oscar as Beste frömdsprakige Film nomineert.

• 1989: den Pries vun’n Senater för Fronslüss, Jöögd un Familie vun de Internatschonalen Filmfestspele Berlin bi de Kinnerfilmfestspelen för Mijn vader woont in Rio.
• 1989: den Dutch Film Critics Award för Mijn vader woont in Rio.
• 1992: den Cinekid Film Award för Het Zakmes.
• 1993: dat Golden Kalf vun’t Nedderlännsch Filmfestival in de Kategorie Beste Speelbaas för Het Zakmes.
• 1996: den UNICEF Award vun de Internatschonalen Filmfestspele Berlin för De Jongen die niet meer praatte.
• 1998: den Golden Spire in de Kategorie Feernsehn – Kinnerprogramm för De Jongen die niet meer praatte.
• 1999: den Feernsehfilmpries vun’t Nedderlännsch Filmfestival för Abeltje.
• 1999: den Tokiekerpries vun’t Mons International Festival of Love Films för De Jongen die niet meer praatte.
• 2004: den Tweeden Platz vun’n Emden Film Award för De Tweeling.

Weblenken

• Ben Sombogaart in de Internet Movie Database (engelsch)