Belize Telemedia Limited

Logo von dat Ünnernehmen

Belize Telemedia Limited (BTL) is en Ünnernehmen ut Belize, dat de Telekommunikatschoons-Netten von dat Land bedrifft (Telefonie un Internett över Fastnett un mobil).

BTL hett sien Seet in Belize-Stadt un hett üm un bi 500 Mitarbeiders.

Historie

Dat Ünnernehmen is 1972 as Belize Telecommunications Limited grünnt worrn. 1987 is BTL mit de Belize-Dochter von Cable & Wireless tohoopgahn. 2007 hett dat Ünnernehmen sien Naam op Belize Telemedia Limited ännert.

Bet August 2009 hett Michael Ashcroft de Mehrheit an dat Ünnernehmen hollen, bet de Regeren von Belize dat Ünnernehmen verstaatlicht hett un nu 94 % von de Andelen höllt.

De Mobilsparte von BTL löppt ünner’n Markennaam DigiCell.

Weblenken

• Websteed von dat Ünnernehmen (engelsch)