Barry James Marshall

Vun Wikipedia
Wesseln na: Navigatschoon, Söök
Barry Marshall (2008)

Barry James Marshall (* 30. September 1951 in Kalgoorlie, Australien) is en austraalsch Mediziner, de 2005 den Nobelpries för Physiologie oder Medizin tospraaken kreeg.

Leven[ännern | Bornkood ännern]

Nah dat Studium an de University of Western Australia (UWA) wurr Marshall an dat Royal Perth Hospital tätig, wo ok all John Robin Warren arbeiten dee. 1986 siedel he mit sien Familie vörövergahnd in de USA um, as he sien Lehrtätigkeit an de University of Virginia upnehm. Ansluutend keem Marshall as Perfesser för Klinische Mikrobiologie an de University of Western Australia in Perth torüch.

Barry Marshall is verheiratet mit Fru Adrienne un hett veer Kinner.

Loopbahn[ännern | Bornkood ännern]

De Mikrobioloog Marshall is bekannt för den Nahwies, dat Helicobacter-pylori-Bakterien de Oorsaak för de meest Magengeschwüre sünd. He kunn dormit de langjohrig Lehrmeenen wedderleegen, dat Geschwüre hööftsächlich dör Stress, scharp Eeten etc. entstahn deen.

Dör en Sülvstversöök1984 vun Marshall gelung de Nahwies, dat nich Stress un Översüern vun den Magen di wichtigst Grünnen för Magenschliemhuutentzündungen, Magengeschwüre un Magenkrebs sünd, sonnern dat nee opdeckt Bakterium. Nahdem dat den beid Forschers gelungen weer, Helicobacter pylori to kultiveeren, hett sück Marshall dor to hergeven, mehrere Milliarden vun de Bakterien to schluuken. Bit to dissen Tietpunkt gull das as sekert Lehrmeenen, dat Bakterien dat suur Milieu vun de Magen nicht överleven kunnen. All blots nah een Week wiesen sück bi Marshall de eersten akuten Symptome vun Gastritis un nah en Biopsie stunn fast, dat sück sowohl en Infektschoon mit H. pylori as ok en swoor Gastritis entwickelt harr. Marshall kunn middels en Behandlung mit Bismut un Antibiotika weer heelt wurrn.

In de Folgetiet funnen Warren, Marshall un wiedere Wetenschapler herut, dat de meesten Fälle vun Magengeschwüren un ok eenige Fälle vun Magenkrebs up dat vermeentlich harmlose Bakterium H. pylori torüchtoführen sünd. Buterdem kunnen se wiesen, dat en Heelen dör de Gaav vun Antibiotika mögelk is. Dorto kunnen se nahwiesen, dat bestimmte Bakterien ok in dat extrem Milieu vun de Magensüer (nüchtern pH 1-1,4) överleven könnt.

1995 kreeg he den Albert Lasker Award for Clinical Medical Research un 1996 en Gairdner Foundation International Award. 1997 wurr he mit den Paul-Ehrlich-und-Ludwig-Darmstaedter-Pries uttekent, 1998 mit den A.H.-Heineken-Pries för Medizin un de Buchanan Medal vun de Royal Society, 2002 den Keio Medical Science Prize. In’ Dezember 2005 kreeg he tosommen mit John Robin Warren den Nobelpries för Physiologie oder Medizin för dat Opdecken vun den Helicobacter pylori.

Weblenken[ännern | Bornkood ännern]

Commons-logo.svg Barry Marshall. Mehr Biller, Videos oder Audiodateien to’t Thema gifft dat bi Wikimedia Commons.