John Robin Warren

Vun Wikipedia
Zur Navigation springen Zur Suche springen
John Robin Warren, 2009

John Robin Warren, ok J. Robin Warren, (* 11. Juni 1937 in Adelaide, Australien) is en austraalsch Patholoog de 2005 den Nobelpries för Physiologie oder Medizin tospraken kreegen hett.

Leven[ännern | Bornkood ännern]

Nahdem he sien Medizinstudiums an de University of Adelaide 1961 afslooten hett, folgten eerste Anstellungen an dat Royal Melbourne Hospital as ok Royal College of Pathologists of Australasia. 1967 truck Warren nach Perth, Westaustralien, un hett bit to de Dood vun sien Fru Win Warren 1997 an dat Royal Perth Hospital arbeit.

Robin Warren heet gemeensam mit sien Fru söss Kinner.

Loopbahn[ännern | Bornkood ännern]

Tosommen mit den Dokter Barry Marshall kreeg he in' Dezember 2005 den Nobelpries för Physiologie oder Medizin för dat Opdecken vun dat Magenbakterium Helicobacter pylori un de Opkloren vun de sien Rull bi dat Billen vun Magengeschwüren un Magenkrebs. 1997 harrn beid Forscher all den Paul-Ehrlich-und-Ludwig-Darmstaedter-Pries kreegen. Warren un Marshall hemm in Biopsien vun Patienten mit Gastritis (Magenentzündung) en nee Bakterienspezies identifizeert, de se as Helicobacter pylori beschrieven deen.

Dör en Sülvstversöök1984 vun Marshall gelung de Nahwies, dat nich Stress un Översüern vun den Magen di wichtigst Grünnen för Magenschliemhuutentzündungen, Magengeschwüre un Magenkrebs sünd, sonnern dat nee opdeckt Bakterium. Nahdem dat den beid Forschers gelungen weer, Helicobacter pylori to kultiveeren, hett sück Marshall dor to hergeven, mehrere Milliarden vun de Bakterien to schluuken. Bit to dissen Tietpunkt gull das as sekert Lehrmeenen, dat Bakterien dat suur Milieu vun de Magen nicht överleven kunnen. All blots nah een Week wiesen sück bi Marshall de eersten akuten Symptome vun Gastritis un nah en Biopsie stunn fast, dat sück sowohl en Infektschoon mit H. pylori as ok en swoor Gastritis entwickelt harr. Marshall kunn middels en Behandlung mit Bismut un Antibiotika weer heelt wurrn.

In de Folgetiet funnen Warren, Marshall un wiedere Wetenschapler herut, dat de meesten Fälle vun Magengeschwüren un ok eenige Fälle vun Magenkrebs up dat vermeentlich harmlose Bakterium H. pylori torüchtoführen sünd. Buterdem kunnen se wiesen, dat en Heelen dör de Gaav vun Antibiotika mögelk is. Dorto kunnen se nahwiesen, dat bestimmte Bakterien ok in dat extrem Milieu vun de Magensüer (nüchtern pH 1-1,4) överleven könnt.

Weblenken[ännern | Bornkood ännern]

Commons-logo.svg John Robin Warren. Mehr Biller, Videos oder Audiodateien to’t Thema gifft dat bi Wikimedia Commons.