Baitul-Karim-Moschee
De Baitul-Karim-Moschee is en lüttje Moschee in Stood, de de Ahmadiyya-Muslim-Gemeenschop tohöört. Se liggt in de Straat An’n Bullenhoff 5 bi dat Oollanner Veerdel. De Ahmadiyya-Muslim-Gemeenschop hett in Stood üm un bi 70 Liddmaten.[1] Baitul-Karim bedüüdt Huus von’n Eddelen.
De Grundsteen för de Moschee is an’n 29. März 2008 leggt worrn un an’n 15. August 2008 hett se denn al apenmaakt. Dat Grundstück is 840 m² groot un de Beedruum 62 m². Dat Minarett reckt teihn Meter hoog.
De Baitul-Karim-Moschee weer de 18. Moschee, de de Ahmadiyya-Muslim-Gemeenschop in Düütschland grünnt hett un is Deel von jemehr 100-Moscheen-Plaan. Dat weer de eerste Moschee in’n Landkreis Stood, de glieks von Anfang an as Moschee boot worrn is.
Footnoten[ännern | Bornkood ännern]
Weblenken[ännern | Bornkood ännern]
- Websteed von de Moschee (hoochdüütsch)
Koordinaten:53° 36′ N, 9° 29′ O