BBC Alba

Vun Wikipedia
Wesseln na: Navigatschoon, Söök
BBC Alba
Spraak: Schottsch-Gäälsch
Sennestart: 2008-09-1919. September 2008
Bedriever: BBC un MG ALBA
Sitt: Stornoway un Glasgow
Land: Schottland
Bildformat: 576i (PAL) 16:9
Empfang över Satellit:
Sky Digital: Kanaal 168
Freesat: Kanaal 110
Astra 2D: 11954H 27500 2/3
Empfang över Kavel:
Virgin Media: Kanaal TBA
Websteed

BBC Alba is en digitalen Feernsehsenner, de op Schottsch-Gäälsch sennen deit. Bedreven warrt de Senner vun de BBC un MG ALBA. Freedag, den 19. September 2008, Klock 9 avends hett BBC Alba dat Sennen anfungen. De Senner hett en Budget vun 12,4 Millionen britische Pund (2008/2009).

De Senner hett jeden Dag en Programm vun bet to söven Stünnen. He is in ganz Grootbritannien över Satellit (Sky Digital un Freesat) to kriegen. In Tokumft schall de Senner ok över dat digitale Antennenfeernsehn (Freeview) in Schottland to kriegen wesen un ok op Virgin in’t Kavelfeernsehn lopen.

Dat gäälsche Programm op BBC Two Scotland schall eerstmal wiederlopen, tominnst bet BBC Alba ok över dat digitale Antennenfeernsehn to kriegen is.

BBC Alba wiest mit An Là jeden Dag en gäälsch Narichten-Programm vun 30 Minuten. De Senner kunzentreert sik ünner annern op schottschen Sport un deit veel vun Football, Rugby un Shinty berichten. Ok dat Europa-Magazin Eòrpa un dat Kinner-Magazin Dè a-nis?, de vörher al op BBC Two Scotland lepen, warrt wiest.

De Senner hett veer Studios in Schottland, in Stornoway, Glasgow, Inverness un Portree.

Weblenken[ännern | Bornkood ännern]