August von der Wense (1792–1867)

Vun Wikipedia
Zur Navigation springen Zur Suche springen

Ernst Georg August Friedrich von der Wense (* 6. August 1792 in Wohlenro’e; † 27. August 1867 in Holdenstedt) weer en düütschen Verwaltungsbeamten.

Von der Wense is 1792 in Wohlenro’e as Söhn von Charlotte, borene von Hohnhorst (3. April 1773–3. August 1826), un den Landsökonomiekummissar Ludwig Christian Friedrich von der Wense (21. September 1764–13. März 1855) boren.[1] He hett sik an’n 24. April 1809 an de Universität Heidelberg inschreven un Juristeree studeert. An’n 16. Mai 1810 hett he sik an de Universität Göttingen inschreven un dor wieder studeert. In Göttingen is he Maat von dat Corps Hannovera worrn.[2]

Na dat Studium is he toeerst Drost supernumerär bi de Ämter Gifhorn un Levenborg worrn un 1827 as Drost to’n eersten Beamten von dat Amt Knesebeck opstegen. Dat is he bet 1839 bleven.

He weer von 1839 bet 1842 Landdrost von de Landdrostie Lümborg un denn von 1842 bet 1863 Landraad för dat Gifhornsche Quartier von de Lümbörgsche Landschop. He weer ok Maat von’n Hannöverschen Staatsraad un tosätzlich in de Kreditkummischoon von dat Ridderschopliche Kreditinstitut för dat Förstendom Lümborg un Maat von’n engern Utschuss von de Landweerschopliche Sellschop Celle. As Kommissar weer he tostännig för de Damenkloosters Isenhagen un Wienhusen in dat Förstendom Lümborg.

Von der Wense weer Herr op Holdenstedt, Mörße, Hatdörp un Wohlenro’e un ok Grundbesitter in de Region Ülzen un Celle.

1840 hett he dat Kummandörkrüüz 1. Klass von’n Guelphenorden kregen.

He hett an’n 25. März 1820 in Celle Caroline Dorothea von Willich (16. Februar 1801–10. Dezember 1861) freet.[1] De beiden harrn 13 Kinner, ünner annern den Söhn Adolf (22. Januar 1824–7. Mai 1883) un de Döchter Anna Ida Wilhelmine (2. August 1834–9. Dezember 1880)[1] un Klara (hett later Carl von Laffert freet).

Footnoten[ännern | Bornkood ännern]

  1. a b c http://www.schlossarchiv.de/TNG/getperson.php?personID=I792806W&tree=tree1
  2. Heinrich Ferdinand Curschmann: Blaubuch des Corps Hannovera zu Göttingen. Band 1, 1809–1899, Göttingen 2002, Nr. 81.