Hannöversch Staatsraad

Vun Wikipedia
Zur Navigation springen Zur Suche springen
Dat Laaneslott in Hannover, Sitt von’n Hannöverschen Staatsraad

De Staatsraad weer en Verfatensorgaan von dat Königriek Hannover. Dat weer de twete Kamer von de Stännversammlung von dat Königriek Hannover.

De Staatsraad is 1839 ünner König Ernst August von Hannover inricht worrn un bestünn bet Hannover 1866 dör Prüßen annekteert worrn is. Vörbild för den Hannöverschen Staatsraad weer de Prüüßsche Staatsraad. De eerste Präsident weer von 1839 bet 1848 de Generalmajor Bernhard zu Solms-Braunfels, en Steefsöhn von’n König. 1848 is de Präsident von dat Gesamtministerium (Ministerpräsident) Alexander Levin von Bennigsen sien Nafolger worrn. 1849 is dat in § 6 von de Verordnung över den Staatsraad so regelt worrn, dat jümmer de Baas von de Regeren in dat Königriek gliektiedig ok Vörsitter von’n Hannöverschen Staatsraad is.

1856 is dat wedder trüggännert worrn un de Präsident von’n Staatsraad is wedder von’n König ernannt worrn. Von 1856 bet 1865 weer dat Staatsminister a. D. Johann Caspar von der Wisch. De letzte Präsident weer bet 1866 Minister Wilhelm von Borries. Blangen den Präsident un den Generaalsekretär hebbt ok de annern Ministers un ok Spitzenbeamte ut de Landsverwaltung as ordentliche Liddmaten to’n Staatsraad höört. Tosätzlich hett de König verdeente Personen ut dat Königriek to Maten buten de Reeg von’n Staatsraad ernannt.

Literatur[ännern | Bornkood ännern]