August Malmström

Vun Wikipedia
Porträt vun den August Malmström
Dat Gebortshuus vun August Malmström is hüüd en Heimatmuseum
Dat Atelier vun August Malmström

Johan August Malmström (* 14. Oktober 1829 in de Gemeend Motala in Östergötland; † 18. Oktober 1901 in Stockholm) weer en sweedsch Maler vun den Symbolismus un Perfesser an de Königlich Kunsthoochschool in Stockholm.

Leven[ännern | Bornkood ännern]

De Gebortsoort vun Malmström weer de Hoff Nubbekullen in de Karkengemeend Västra Ny, wo hüüd en Heimatmuseum ünnerbrocht is. Sowohl sien Vader as ok sien Grootvader weern Dischler un August hett de eerst noch bi dat Utsmücken vun de dicht bi liggen Karken hulpen. Eerst mit 21 Johren harr he de Mögelkeit nah Stockholm to reisen, wo he van 1849 bit 1856 Schöler an de Kunsthoochschool weer. 1856 truck he nah Düsseldörp un in dat Johr dorup kreeg he för de nah Sweden schickt Biller de Königliche Medaille un en Reisestipendium. He truck doruphen nah Paris, aber all 1858 kehr he nah Düsseldörp torüch üm mit den norweegschen Maler Hans Fredrik Gude dat Bild Wikinger am Strand fardig to malen. Dornah gung Malmström weer nah Paris, wo he Schöler vun Thomas Couture weer, de mit sien Malstil grooten Infloot up Mahlström utööv. Van 1859 bit 1860 as ok 1863 hett Malmström Studienreisen nah Italien ünnernommen. 1864 kehr Malmström nah Stockholm torüch, wo he Liddmaat vun de Kunstakademie wurr un 1867 en Professur an disse Inrichtung övernehm.

Neben sien Gemälden hett sück Malmström in starker Maat mit Illustratschonen befaat. So hett he 1868 Teknungen to Esaias Tegnér sien Fritjofs saga un 1888 veerteihn Öölgemälde för en Neeuplaag vun de Dichtung schafft. 1880 keem Sagan om Ragnar Lodbrok och hans söner vun P. A. Gödecke, mit Illustratschonen vun Malmström herut. Ok Fähnrich Stahl vun Johan Ludvig Runeberg wurr vun Malmström illustreert. Bi den Dood vun Malmström leegen 18 Öölgemälde un völ Teknungen to Njåls saga vör. Wiederhen hett Malmström Teknungen för dat Blatt Ny Illustrerad Tidning un bispeelswies to Böker vun Peter Christen Asbjørnsen un Zacharias Topelius schafft.

Van 1887 bit 1893 weer Malmström Direkter för de Lehrinrichtung vun de Kunstakademie. 1894 hett he sien Perfesserstäe daalleggt. He weer Liddmaat vun den leiten Utschuss vun de sweedsch Sellschopp för Vörgeschichte (Fornminnesförening) siet Grünnden vun de Inrichtung af 1869.

Warken (Utwahl)[ännern | Bornkood ännern]

  • Kung Heimer och Aslög (1857)
  • Ingeborg mottager underrättelsen om Hjalmars död (1859)
  • Blenda uppmanar Värendskvinnorna till strid
  • Bråvalla slag
  • Älvalek (1866)
  • Kung Sverres tåg till Norge (1866)
  • Sista paret ut
  • Skvallerbyttan
  • Grindslanten (1885)
  • En anatomilektion (Professor Curman und dessen Schüler, 1894)

Kiek ok[ännern | Bornkood ännern]

Weblenken[ännern | Bornkood ännern]

August Malmström. Mehr Biller, Videos oder Audiodateien to’t Thema gifft dat bi Wikimedia Commons.