Auchroisk

Auchroisk
Brenneree Auchroisk
Land	Schottland
Region	Speyside
Tyyp	Malt
Status	aktiv
Besitter	Diageo
Grünnt	1974
Grünner	International Distillers & Vintners Ltd.
Architekt	Westminster Design Associates
Waterborn	Dorie’s Spring
Washstill(s)	4 × 12.700 l
Spiritstill(s)	4 × 7.900 l
Produkschoonsvolumen	3.100.000 l

Auchroisk is en Whisky-Brenneree bi Mulben, Banffshire in Schottland nich wiet weg vun de Glentauchers-Brenneree.

Historie

De Brenneree Auchroisk is vun 1972 bit 1974 dör de International Distillers & Vintners Ltd (IDV) boet worrn. De Sinn weer to Anfang, Malt-Whisky to produzeren, üm dormit Blends hertostellen. Man, dat Produkt harr en so hoge Gööd, dat dorvun al 1978 en Singleton Particular för den japaanschen Markt affüllt worrn is. Dormit is Auchroisk de eerste schottische Brenneree, de een so jungen Single Malt – neemlich knapp över de vörschrevenen dree Johren – affüllt hett.

De Destille is 1975 vun Watney Mann övernahmen worrn un güng noch dat glieke Johr wieter an Grand Metropolitan. Dorüm höört se intwüschen to Diageo.

Produkschoon

Auchroisk höört to de Whisky-Region Speyside. Dat Water för de Produkschoon kummt ut den Dorie’s Spring. Dat Molt betütt de Brenneree vun Pauls Malt in Carnoustie. In de Brenneree gifft dat en Meeschfatt (mash tun) ut Eddelstahl vun 11,2 Tunnen un acht Gäärfatten (wash backs), jeedeen vun 51.000 l. Brennt warrt mit veer Wash stills mit 12.700 l jeedeen un veer Spirit stills to 7.900 l. Bedreven warrt de Stills mit Damp, de ut en öölbeheizten Boiler kummt.

Kiek ok

• List vun de schottischen Brennereen

Literatur

• Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
• Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Weblenken

Auchroisk. Mehr Biller, Videos oder Audiodateien to’t Thema gifft dat bi Wikimedia Commons.