Arteria pharyngea ascendens

De A. pharyngea asc. twiegt baven de Carotisgavel af un löpt twüschen de binnere un butere Halsslagader na baven

De Arteria pharyngea ascendes („opstiegen Rachenslagader“) is en lütte Arterie, de Delen vun’n Kopp mit suerstoffriek Blood versorgt.

Verloop

In’n normalen Fall twiegt se bi’n Minschen ut de Arteria carotis externa af, man bi ruchweg 1 bit 2 % vun all Lüüd twiegt se Arteria carotis interna af. In beide Fäll liggt ehr Anfang kort över de Karotisgavel, also de Steed in’t Rebeet vun’n Hals, woneem de beiden Carotistwiegen uteneen gaht. De Arteria pharyngea ascendes löpt toeerst twüschen de beiden Halsslagadern na’n Kopp un denn witer an de Sietenwand vun’n muskulären Rachen.

Se deelt sik denn wieter op in ehr Endtwiegen, de as Rami pharyngeales de Rachenmuskulatur, as Arteria tympanica inferior de Paukenhöhl un as Arteria meningea posterior de achteren un basalen Andelen vun de harden Bregenhuut versorgt. Disse letzte Endtwieg löpt dör dat Foramen jugulare in de Schädelhöhl rin.

Borns

• T.H. Schiebler (Rtg.): Anatomie. Springer, Heidelbarg 2005. ISBN 3-540-21966-8.