Arteria auricularis posterior

De Arteria auricularis posterior twiegt vun de buteren Halsslagader af un löpt achter’t Ohr

De Arteria auricularis posterior („achtere Ohrslagader“), de bi de Deerter as Arteria auricularis caudalis betekent warrt, is en Arterie, de vun de Arteria carotis externa aftwiegt un för de Versorgen vun Delen vun de Ohrmussel, vun’t Middelohr un vun’t Binnenohr tostännig is. Bito versorgt se ok en lütten Andeel vun de Weekdelen an de Böverflach vun’n Kopp in dat Rebeet achter dat Ohr. Se krüüzt ünnerhalf vun’n Nervus facialis un löpt twüschen den Processus mastoideus un dat butere Ohr deelwies tosamen mit den glieknöömten Nerv, de en Twieg vun den Nervus facialis is. Se deelt sik denn in ehr Endtwiegen op, wovun een, neelich de Arteria tympanica posterior gemeensom mit de Arteria tympanica inferior, de vun de Arteria pharyngea ascendens aftwiegt, de Paukenhöhl versorgt.

Borns

• T.H. Schiebler (Rtg.): Anatomie. Springer, Heidelbarg 2005. ISBN 3-540-21966-8.