Argonauten (Koppfööt)

Vun Wikipedia
Zur Navigation springen Zur Suche springen
Argonauten
Systematik
Ünnerriek: Veelzellers (Metazoa)
Afdeel: Geweevdeerter (Eumetazoa)
Ünnerafdeel: Bilateria
Böverstamm: Lophotrochozoen (Lophotrochozoa)
Stamm: Weekdeerter (Mollusca)
Klass: Koppfööt (Cephalopoda)
Ünnerklass: Dintenfische (Coleoidea)
Böverornen: Achtarm-Dintenfische (Vampyropoda)
Ornen: Kraken (Octopoda)
Familie: Argonauten (Argonautidae)
Geslecht: Argonauten (Argonauta)
Wetenschoplich Naam
Argonauta
Linnaeus, 1758
Hüser vun hüdige Argonauten-Aarden

De Argonauten (Argonauta) sünd dat eenzige Geslecht ut de Familie vun de Argonauten (Argonautidae), de hüdigendags noch leven deit. Se weert to de Kraken torekent.

Kennteken[ännern | Bornkood ännern]

De Seken vun de Argonauten dreegt en dünn „Huus“ mit Dörmeters vun bit hen to 30 Zentimeters. Mit Hölp vun düt Huus könnt se ehre Updrift in dat Water regeln un upstiegen oder afsacken. Dor sett se Luft in dat Huus bi unner Druck. De Argonauten ehr Huus hett, gegen dat Huus vun de Parlboote over, keen Kamern un warrt ok nich as Butenskelett bruukt. Dat hett sik in de Evolutschoon eerst later rutbillt, as Buten- un Binnenskelett bi de Kraken al ganz torüchbillt wurrn weern. Bestahn deit dat ok nich, as bi de Nautilusse, ut dat harde Aragonit, man ut Calcit, wat gauer tweibreken deit. Düt Huus is ok nich jummerweg dör Muskeln un Bänner mit dat weeke Lief verbunnen, man warrt an siene Binnensiet mit Suugproppens vun den Armkranz over Kopp un Mantel fastholen. Dat Deert hett en Lief in Form vun en Sack, acht giftige Tentakels, en Snavel mit harden Rand un Ogen, de stark rutkieken doot. Dat Heken is tominnst twintig mol lüttjer, as dat Seken (Kiek bi Dwargheken).

Wie se sik vermehrt[ännern | Bornkood ännern]

As bi de meisten Kraken weert de Seken befrucht dör en Arm vun de Heken, de dor sunnerlich for ummuddelt is. Düsse Arm warrt Hectocotylus nömmt. Anners, as bi annere Kraken lööst sik de Hectocotylus mit de Spermatophore bi’t Begatten heel un deel vun dat Heken af un kruupt ganz alleen bi de Seken unner. Wohrschienlich geiht dat Dwarg-Heken korte Tied later doot. Dat Seken leevt veel länger un kann in düsse Tied vun en ganze Reeg vun Heken befrucht weern. Dat Huus deent ok as Kamer for de befruchten Eier.[1]

Freten[ännern | Bornkood ännern]

De Seken vun de Argonauten freet Sniggen (Heteropoden, Pteropoden), lüttje Fische un unner Umstänn ok lüttje Kreefte, de all to dat Plankton tohöört. Sülms weert se freten vun gröttere Fische, vun Seesöögdeerter (as vun’n Lüttjen Sweertwal) un vun gröttere Seevagels (as vun Echte Stormvagels).

Wo se vorkaamt[ännern | Bornkood ännern]

Argonauten leevt in de See in de Tropen, Subtropen un in de süüdlichen matigen Breeden. Ok in de Middellannsche See kaamt se vor.

Aarden[ännern | Bornkood ännern]

To düt Geslecht höört düsse Aarden to::

Utstorvene Aarden[ännern | Bornkood ännern]

Literatur[ännern | Bornkood ännern]

  • Guido T. Poppe, Yoshihiro Goto: European Seashells. Vol II (Scaphopoda, Bivalvia, Cephalopoda). Verlag Christa Hemmen, Wiesbaden, 1993 ISBN 3-925919-11-2.
  • Julian K. Finn: Family Argonautidae Tryon, 1879. S. 228–237 in Patrizia Jereb, Clyde F. E. Roper, Mark D. Norman, Julian K. Finn (Rutg.): Cephalopods of the world. An annotated and illustrated catalogue of cephalopod species known to date. Volume 3. Octopods and Vampire Squids. FAO Species Catalogue for Fishery Purposes No. 4, Vol. 3. Rom 2014 (online; PDF Incirrate Octopods).

Belege[ännern | Bornkood ännern]

  1. [1] Octopus Relative Floats on Shell, Discovery News, 19. Mai 2010, besocht an’n 20. Mai 2010}

Weblenken[ännern | Bornkood ännern]

Commons-logo.svg Argonauten. Mehr Biller, Videos oder Audiodateien to’t Thema gifft dat bi Wikimedia Commons.