Approuague
| Approuague | |
|---|---|
| Laag | Franzöösch-Guayana |
 | |
| Stroomsystem | Approuague |
| Läng | 335 km |
| Afströömrebeed | 10.250 km² |
| Born | in’n Oorwoold von Guayana (op 425 m över de See) |
| Münn | in’n Atlantik (op 0 m över de See) |
| Koordinaten Münn: | Koordinaten:4° 41′ N, 51° 58′ W4° 41′ N, 51° 58′ W |
| linke Blangenströöm | Couy, Arataï |
| rechte Blangenströöm | Sapokaï, Ekiny, Mataroni, Kourouaï |
 | |
De Approuague is en 335 Kilometer langen Stroom in de Gemeen Régina in Franzöösch-Guayana, de in’n Atlantik münnt.
Sien Born hett de Stroom in dat Massif Emerillon üm un bi 30 Kilometer in’n Süüdoosten von Saül. In düt Rebeed draapt de Grenzen von de Gemenen Régina, Saül, Maripasoula un Camopi openanner. Von dor flütt de Approuague na Noorden un denn na Noordoosten. De Stroom nimmt von rechts den Sapokaï op un von links de Couy un de Arataï.
Von rechts flütt denn de Ekiny un de Mataroni in’e Approuague. An de Mataroni kummt de Stroom in bewahnt Rebeed. An’t linke Över liggt de Oort Régina un de Route nationale 2 geiht mit en Brügg över de Approuague. Hier in Régina is de Stroom knapp 400 Meter breed, wiedt sik aver nu jümmer mehr to en Ästuar, de an de Münn in’n Atlantik teihn Kilometer wied is. En poor Kilometer vör de Münn flütt von rechts de Kourouaï in de Approuague.
Dat Rebeed an de Münn is allens Sump, de op dat linke Över as Réserve naturelle nationale des marais de Kaw-Roura schuult is.
