Anton Kugler

Anton Kugler, ropen wurr he „Toni“ (* 28. März 1898 in Nürnbarg; † 2. Juli 1962) weer en düütsch Footballspeler un -trainer, de as Speler mit den 1. FC Nürnberg in de Johren 1920, 1921, 1924 un 1925 veermal de Düütsch Meesterschap winnen kunn.

Karriere

Vereen, 1911–1932

Mit 13 Johren is Anton Kugler 1911 in de Jöögdafdeelen vun den 1. FC Nürnberg intreeden un kreeg dree Johr later all sien eerst Insätze in de Seniorenmannschap. He speel tonächst in de Löperrieg vun den „Club“, bevör he to Anfang vun de 1920er-Johren up den Platz för den dör en Kneebesehren utscheeden Dr. Steinlein in de Afwehr rücken dee. Bi den eersten Meesterschapsgewinn nah den Eersten Weltkrieg, in dat Johr 1920, bi den 2:0-Erfolg gegen den fränkischen Lokal-Rivalen SpVgg Fürth, wurr he as rechter Löper insett. Af de Titelverteidigung in dat Johr 1921 dör den 5:0-Sieg gegen Vorwärts Berlin, harr he an de Siet vun den Swiezer Gustav Bark sien Stammplatz up de linke Afwehrpositschoon. Nahdem Bark ut de Mannschap utscheeden weer, bill he mit Luitpold Popp dat Paar in de Afwehr vun de Franken. Kugler weer besünners good in dat Stellungs- un Koppballspeel, aber ok Snelligkeit un Slagsekerheit hemm den toverlässigen Afwehrspeler uttekent. „Toni“ Kugler weer aktiv in de twee Finalspelen vun dat Johr 1922 gegen den Hamburger SV. In dat tweet Endspeel an‘ 6. August hett he sück swoor besehrt un is vör de Tiet utscheeden. Mit de Mannschap vun Süüddüütschland wunn he an‘ 17. Februar 1924 mit en 4:2-Erfolg gegen Noorddüütschland den Bundspokal vun de DFB-Landsverbände. Mit Nürnbarg wunn he in de Runn 1923/24 den süddüütschen Pokal. An‘ 29. Mai 1932 hett he, nu 34johrig, sien letzt Endrunnenspeel bestreeden. In Mannheim verlor de „Club“ mit 0:2 Doren gegen den lateren Düütschen Meester, FC Bayern München. Kugler hett 26 Endrunnen-Spelen bestreeden un wurrd mit insgesamt 668 Insätzen för den 1. FC Nürnberg registreert.

Natschonalmannschap, 1923–1927

An‘ 1. Januar 1923 geev Anton Kugler sien Debüt in de Düütsch Footballnatschonalmannschap bi de 1:3-Nedderlaag in Mailand gegen Italien. Een Johr later, an‘ 19. Januar 1924 in Nürnberg harr he sien tweeten Insatz. De Kombinatschoon Nürnbarg-Fürth hett dorbi mit 4:3 Doren gegen Öösterriek wunnen. Ok de beid folgen Partien gegen de Nedderlannen un Norwegen hett Kugler mitmaakt. A’n 23. November stunn he to’n veerten Mal in dat Johr för Düütschland up den Platz. In Duisburg verlor Düütschland aber mit 0:1 gegen Italien. Dornah muss he dree Johr töven, bevör hüm Riekstrainer Otto Nerz för dat Heimspeel gegen Norwegen an‘ 23. Oktober 1927 weer beropen dee. In Altno wunn de Mannschap um Speelführer Hans Kalb mit 6:2 Doren. Sien 7. un letzte Insatz weer an‘ 20. November 1927, bi dat 2:2 in Köln gegen Holland.

Trainer

De all in de „Club“-Jöögd as Trainer tätige „Toni“ Kugler övernehm to de Runn 1932/33 as Nachfolger vun Jenő Konrád de Trainingsleitung bi den 1. FC Nürnberg. To de Winterpaus 1933/34 wurr he vun Alfréd Schaffer aflöst. Dornah wurr he Trainer bi Borussia Fulda. Van 1935 bit 1945 weer de lehrt Goldsläger as Sportlehrer in Berlin tätig. Wiels de Weltkriegsjohren 1942–1944 weer Kugler Trainer vun den Gauligisten Post SG Danzig. Oltnatschonalspeler Kurt Ehrmann hett noch 2006 de Qualität vun den Trainer Kugler lobt. Nah den Tweeten Weltkrieg weer „Toni“ Kugler, de all wat he harr bi en Bombenangreep in Berlin verloren harr, as Trainer in Schwäbisch Gmünd, bi Hamborn 07 un Wormatia Worms tätig. In‘ April 1954 wurr he nah en 18 Maand düern Tätigkeit as Trainer bi den 1. FC Nürnberg in de Böverliga Süd verafscheedt.

Toni-Kugler-Block

Nah hüm is de Block 28 vun de Fankurve in dat Nürnbarger Stadion nah hüm Toni-Kugler-Block nömmt wurrn.

Literatur

• Die Legende vom Club, Verlag Die Werkstatt, 1996, ISBN 3-89533-163-5.
• Vom Kronprinzen bis zur Bundesliga, AGON, 1996, ISBN 3-928562-85-1.
• LIBERO, Nr. 36, II. Quartal 2002, Seite 75, IFFHS.
• Deutschlands Fußball, Das Lexikon, Sportverlag Berlin, 2000, ISBN 3-328-00857-8.
• Deutschlands Fußball-Nationalspieler, Das Lexikon, Sportverlag Berlin, 1997, ISBN 3-328-00749-0.