Luitpold Popp

Vun Wikipedia

Luitpold „Poidl“ Popp (* 7. März 1893 in Nürnbarg; † 30. August 1968) weer en düütsch Footballspeler.

He speel tonächst för den FC Pfeil Nürnberg bevör he to’n 1. FC Nürnberg wesseln dee. In sien Tiet bi den Club keem he tüschen 1920 un 1925 up fiev Lännerspelen för de Düütsch Footballnatschonalmannschap. För den Club speel he van 1917 bit 1935. He broch dat up insgesamt 870[1] Spelen för den 1. FC Nürnberg, mit den he 1920, 1921, 1925 un 1927 Düütsch Meester wurr. De Rooker[2] kunn bi de Düütsch Footballmeesterschap 1922 dat Wedderhalensendspeel wegen en Swaakheitsanfall[1] nich bit to dat Enn vun de Partie spelen, woruphen Schiedsrichter Peco Bauwens dat Speel afbreeken dee. Sien letzt Endspeel um de düütsch Meesterschap hett he mit 41 Johren an‘ 24. Juni 1934 gegen den FC Schalke 04 bestreeden; de Club verlor aber mit 2 : 1.

Nah den Krieg truck Popp nah Wolnzach (Böverbayern), wiel he dor en Huus arvt harr[1]. An‘ 30. August 1968 is he bi en Autounfall to Dood kommen.

Enkeld Nahwiesen[ännern | Bornkood ännern]

  1. a b c Christoph Bausenwein, Bernd Siegler, Harald Kaiser: Legenden - Die besten Club-Spieler aller Zeiten
  2. Christoph Bausenwein, Harald Kaiser, Bernd Siegler: Legenden - Die besten Club-Spieler aller Zeiten (ISBN 978-3-89533-722-2)