FC Schalke 04

Vun Wikipedia
Dat nee Stadion Veltins- Arena

FC Gelsenkiärken-Schalke 04 e.V. (kort FC Schalke 04 oder S04) is een groden düütschen Footballvereen. He speelt in de Bundsliga. Tohuse is he in Gelsenkiärken. Hüdigendags hett he bi 56.000 Liddmaten un is dor mit nah den FC Bayern München de tweedgröttste Footballvereen in Düütschland. Vun August 2001 af an speelt Schalke siene Spelen tohuse in de Veltins-Arena. Bit Juni 2005 hett de Arena up Schalke heten. Dat is een modern Stadion, wat unbannig veel Geld kost hett. Üm dat to finanzeeren, hett dat Management vun Schalke de Innahmen vun de Heimspelen vun de neegsten tein Johren an een Finanzkonsortium ut England verhökert. De Vereen hett jümmer allerhand Schandool maakt, nich bloß in'n Sport, man ok bi de Finanzen un bi dat Management. In'n Summer 2006 hefft se den Manager Rudi Assauer, wat een ümstreden Mann weer, rutsmeten.

Dat ole Parkstadion mit de nee Arena in'n Achtergrund

Trainer[ännern | Bornkood ännern]

Bekannt Speler[ännern | Bornkood ännern]

To de bekannt Speler ut disse Vereen tellen: Rüdiger Abramczik, Klaus Fichtel, Klaus Fischer, Rudolf Gellesch, Ernst Kuzorra, Reinhard Libuda, Rolf Rüssmann, Fritz Szepan, Olaf Thon, Otto Tibulski, Adolf Urban.

Wat Schalke schafft hett[ännern | Bornkood ännern]

Düütsche Meester (7 Mal)[ännern | Bornkood ännern]

  • 24. Juni 1934: 2:1 gegen 1. FC Nürnberg
  • 23. Juni 1935: 6:4 gegen den VfB Stuttgart
    • Doren: Ernst Pörtgen (3), Ernst Kalwitzki, Ala Urban un Rudi Gellesch
    • Speeloort: Köln
    • Tokiekers: 74.000
  • 20. Juni 1937: 2:0 gegen 1. FC Nürnberg
    • Doren: Ernst Kalwitzki und Ernst Pörtgen
    • Speeloort: Berlin
    • Tokiekers: 100.000
  • 18. Juni 1939: 9:0 gegen Admira Wien
    • Doren: Ernst Kalwitzki (5),Fritz Szepan, Ala Urban un Ernst Kuzorra
    • Speeloort: Berlin
    • Tokiekers: 100.000
  • 21. Juli 1940: 1:0 gegen Dresdner SC
    • Door: Ernst Kalwitzki
    • Speeloort: Berlin
    • Tokiekers: 100.000
  • 5. Juli 1942: 2:0 gegen Vienna Wien
    • Doren: Ernst Kalwitzki un Fritz Szepan
    • Speeloort: Berlin
    • Tokiekers: 100.000
  • 18. Mai 1958: 3:0 gegen den Hamborger SV
    • Doren:Berni Klodt (2) un Manni Kreuz
    • Speeloort: Hannober
    • Tokiekers: 80.000

Düütsche Vizemeester (8 Mal)[ännern | Bornkood ännern]

Düütsche Pokalwinner (5 Mal)[ännern | Bornkood ännern]

UEFA-Cup-Winner (1 Mal)[ännern | Bornkood ännern]

Meester in de 2. Bundsliga (2 Mal)[ännern | Bornkood ännern]

1982, 1991

Westdüütsche Meester (4 Mal)[ännern | Bornkood ännern]

1929, 1930, 1932, 1933

Meester vun de Oberliga West (2 Mal)[ännern | Bornkood ännern]

1951, 1958

Westdüütsche Pokalwinner (1 Mal)[ännern | Bornkood ännern]

1955

Westfalenmeester (11 Mal)[ännern | Bornkood ännern]

1934, 1935, 1936, 1937, 1938, 1939, 1940, 1941, 1942, 1943, 1944

Ruhrbezirksmeester (6 Mal)[ännern | Bornkood ännern]

1927, 1928, 1929, 1930, 1932, 1933

Champions-League-Qualifikatschoon 2008 un UEFA-Cup[ännern | Bornkood ännern]

De FC Schalke hett as Drüdden vun de leste Bundsliga-Saison en Platz in de Qualifikatschoon üm de Champions-League kregen. In de beiden lesten Spelen, wo dat up ankeem, güng dat gegen Atletico Madrid. Nadem dat Speel tohuse mit 1:0 gegen Madrid wunnen weer, seeg dat an un for sik nich slecht ut för dat tweete Speel. Man an'n 27. August 2008 hett Schalke in de Spaansche Hööftstadt mit 0:4 verloren un is dormit utscheedt. In de Saison 2008/2009 draff Schalke avers bi den UEFA-Cup mitspelen.