Anton Aulke

Vun Wikipedia

Anton Aulke (* 14. Juli 1887 in Senden; † 19. Dezember 1974 in Warendörp) weer en plattdüütschen Schriever un Persepter ut dat Mönsterland.

Aulke is 1887 as Söhn vun en Bomeester in Senden boren un güng vun 1894 bet 1901 op de Volksschool in Senden un denn vun 1903 af an bet 1908 op dat Gymnasium Laurentianum in Warendörp un möök dor sien Abitur. Denn hett he glieks anfungen Ooltphilologie un Germanistik in Mönster studeren. 1910 ok een Semester in Breslau. 1913 hett he siene Staatsprüfung as Lehrer maakt. 1914 is he as Freewilligen in’n Krieg gahn. Dor hett he denn wat bi afkregen un kunn den Rest vun sien Leven nich mehr good lopen. He dee denn vun 1915 bet 1929 as Studienassesser an de Gymnasien Patterbuorn un Rheine arbeiden. Vun 1929 af an bet to siene Pension 1952 weer he Lehrer för Düütsch un Latien an dat Laurentianum. Aulke is 1974 doodbleven un liggt op’n Karkhoff in Warendörp begraven.

Aulke hett 1952 den Klaus-Groth-Pries un 1955 den Kulturpries vun de Stadt Warendörp kregen. 1961 kreeg he den Annette-von-Droste-Hülshoff-Pries. 1962 hett em de Stadt Senden to’n Ehrenbörger maakt un de Stadt Warendörp hett em 1967 den Gollenen Ehrenring geven.

Warken[ännern | Bornkood ännern]

  • De Düwel up’n Klockenstohl un annere Vertellßells ut’t Mönsterland. Unna 1940
  • Nies. En plasseerlick Bok van Buren, Swien, Spök, hauge Härens un en unwiesen Kerl. Mönster 1936
  • Siskus, Wiskus, ick kann häxen: Füfftig mehrst lustige Geschichten. Mönster 1968

Weblenken[ännern | Bornkood ännern]