Anneliese Rothenberger

Vun Wikipedia
Anneliese Rothenberger, 1969

Anneliese Rothenberger (* 19. Juni 1924 in Mannheim; † 24. Mai 2010 in Münsterlingen TG) weer en düütsch Operetten- un Opernsingerin (lyrisch Sopran).

1946 hett hör de Intendant Günther Rennert an de Hamburgische Staatsoper halt, wo se 1947 as Oskar, Page in Giuseppe Verdis Ein Maskenball, debüteer. De Hööchpunkt vun hör Loopbahn weer de Upträe an de Metropolitan Opera in New York as Zdenka in Richard Strauss' Arabella in dat Johr 1960. En Johr later sung se an de Mailänder Scala.

Ok as Interpretin vun klassisch Leeder geev Rothenberger Leederabende in Düütschland, Öösterriek, de Swiez, England, Schottland, Japan, un in völ Städer vun de USA un de Sowjetunion. Völ Johren lang maak se tweemal in’t Johr en groot Leedertournee.

Dorto weer se ok in’t Feernsehn völ tätig un wurr dordör noch wat mehr bekannt. De ZDF geev hör en eegen Feernsehreeg Anneliese Rothenberger gibt sich die Ehre.

Nahdem se sück wegen en Krebskrankheit torüchtrucken harr, leev se bit toletzt in Salenstein, an dat Swiezer Över vun den Boddensee.

Utteknungen (Utwahl)[ännern | Bornkood ännern]

Repertoire[ännern | Bornkood ännern]

Anneliese Rothenberger harr en groot Repertoire. Ünner annern sung se Partien ut Opern vun Claudio Monteverdi, Henry Purcell, Georg Friedrich Händel, Christoph Willibald Gluck, Joseph Haydn, Ludwig van Beethoven, Richard Wagner, Giuseppe Verdi, Giacomo Puccini, Ruggero Leoncavallo, Carl Maria von Weber, Albert Lortzing, Engelbert Humperdinck, Gioachino Rossini, Daniel Auber, Eugen d'Albert, Gaetano Donizetti, Georges Bizet, Jacques Offenbach, Maurice Ravel, Paul Hindemith, Benjamin Britten, Gian Carlo Menotti, IIgor Strawinsky, Carl Orff, Werner Egk, Gottfried von Einem, Wilhelm Kienzl, Norbert Schultze, Ermanno Wolf-Ferrari, Francis Poulenc un Alban Berg.

Se hett sück aber ok de lichtere Muse widmet. So sung se 1969 dat Leed vun de ARD-Feernsehlotterie Wie schön ist diese Welt.

Filmographie[ännern | Bornkood ännern]

Johr Titel
1955 Oh…, Rosalinda!!
dt.: Die Fledermaus
1960 Der Rosenkavalier

Schriften[ännern | Bornkood ännern]

  • Melodie meines Lebens. Selbsterlebtes, Selbsterzähltes. München: Lichtenberg, 1972. ISBN 3-7852-1141-4 (Autobiographie)

Literatur[ännern | Bornkood ännern]

  • Wolf-Eberhard von Lewinski: Anneliese Rothenberger. Velber: Friedrich, 1968.
  • Ricarda Strobel: Die deutschen Fernsehstars, Bd. 4. Göttingen: Vandenhoeck & Ruprecht, 1998. ISBN 3-525-20799-9
  • Robert Eberl: Auferstanden aus Rothenberger-Ruinen. In: Kevin Clarke (Hrsg.), Glitter and be Gay: Die authentische Operette und ihre schwulen Verehrer. Männerschwarm, Hamburg 2007, S. 220–224, ISBN 978-3939542131

Weblenken[ännern | Bornkood ännern]