Anne Bancroft

Anne Bancroft (1997)

Anne Bancroft, eegentlich Anna Maria Louisa Italiano (* 17. September 1931 in de Bronx, New York City; † 6. Juni 2005 ok dor) weer en US-amerikaansch Schauspelerin. Se kreeg 1963 den Oscar för hör Rull in Licht im Dunkel, an’ beropensten weer aber woll hör Dorstellen as Mrs. Robinson in The Graduate (1967). Ok an’ Broadway glänz se dör de inföhlsame Dorstellen vun „stark“ Fruen. De Schriever Max Brooks is hör Söhn ut de Ehe mit Mel Brooks, mit de se över 50 Johr verheiraadt weer.

Utbillen, Theater un eerste Filmrullen

Anne Bancroft hör Familie weer vun italieensch Afstammen: Hör Vader weer Modelsnieder, hör Moder Telefonistin. Se hett en Schauspeelutbillen an de renommeert American Academy of Dramatic Arts in Manhattan. Nah eenig Rullen in’ Feernsehen kreeg se 1952 hör eerste Filmrull in Versuchung auf 809 (Don’t Bother to Knock), in de ok Marilyn Monroe mitspelen dee. Bi de Dreiharbeiten hett de Pruktschoonsfirma 20th Century Fox de Ännern vun hör Naam, wiel „Italiano“ för hör oder den Film nich goot ween kunn.

Hör Karriere fung an dat Theater an. 1958 speel se mit Henry Fonda in de Broadway-Produktschoon Two for the Seesaw, woför man hör mit den Tony Award utteken dee, un all 1959 hör nächst Bühnenroll in The Miracle Worker. De toletzt nömmt Rull broch hör ok in Hollywood Spood (düütsch Titel vun den Film weer: Licht im Dunkel), wo se 1962 ehr eersten Oscar as best Hööftdorstellerin wunn. In den Film speel se ünner de Regie vun Arthur Penn un nah dat Dreihbook vun William Gibson de Meestersche vun de gehörloos un blind Helen Keller (speelt vun Patty Duke).

Se bleev aber to glieker Tiet ok bi dat Theater. So speel se to’n Bispeel in Brecht sien Mutter Courage (1963) un The Devils (1965). Nah The Little Foxes un A Cry of Players (1967/68) muss aber för meest teihn Johr de Bühne den Film wieken, bit to dat Theaterstück Golda (1977).

Dörbröök in’ Film as Mrs. Robinson un Ehe mit Mel Brooks

Dat Stück bzw. de Film Miracle Worker keem ok in Düütsch ünner de Titeln Licht im Dunkel bzw. Unter anderer Sonne. Af 1964 harr se wiedere Hööftrullen in Filmen as 7 Women (düütsch Sieben Frauen) un The Pumpkin Eater (düütsch Der Schlafzimmerstreit), för den se 1964 den Golden Globe Award un den Dorstellerpries vun de Filmfestspelen vun Cannes kreeg. Ünner annern speel se ok in Haven mit Natasha Richardson un Kenneth Welsh.

Weltwiet Bekanntheit broch hör 1967 de Rull vun de Mrs. Robinson in den Film Die Reifeprüfung mit Dustin Hoffman as Partner in, woför hör 1968 de Golden Globe tospraken wurr. Hör eenzig Regiearbeit weer de Film Fetty – Der Dicke legt los (1980), de aber nich besünners spoodriek weer.

Bancroft mit Mel Brooks 1991 bi dat Cannes Film Festival

Van 1953 bit 1957 weer Bancroft mit Martin A. May verheiraadt. 1964 hett se in tweet Ehe den Schauspeler un Regisseur Mel Brooks heiraadt, de se 1961 in de Feernsehshow vun Perry Como kennen lehrt harr. Ut disse Verbinnen stammt de Söhn Max Brooks. Mit hör Ehemann Mel Brooks speel se in tallriek Filmen, ünner annern 1983 in de sien Neeverfilmen vun Ernst Lubitsch sien Sein oder Nichtsein (To Be or Not to Be). Hör Talent as Kummediant wies se aber ok bi nich mit Mel Brooks dreiht Filmen, so to'n Bispeel in The Prisoner of Second Avenue (1975) an de Siet vun hör Filmpartner Jack Lemmon.

De Schauspelerin weer ok in't Öller noch en anseggt Dorstellerin vun stark un af un to wat skuril Fruenrullen. So speel se 1995 ünner de Regie vun Jodie Foster in en Starensemble de düchtig exzentrisch Moder Adele vun Robert Downey Jr. und Holly Hunter in Home for the Holidays (Familienfest und andere Schwierigkeiten), de an de Siet vun hör Ehemann Charles Durning dat Familienleven nich jüst eenfacker maken deiht. In Glauben ist alles! (2000) speel Bancroft en jöödsch Moder, deren Söhn Jake, en Rabbi (Ben Stiller), hör sien Leevschap mit en Nichtjöödsch verheimlicht. En vun hör indruckvullsten Leistungen weer in de laat Johren vun hör Karriere de Rull vun de Moder vun en Travestiestar in Das Kuckucksei (1988), de nich begriepen kann, dat de Homosexualität vun hör Söhn as wat Normales ansehn wurrn kann.

Dat Graff vun Bancroft in Valhalla

Anne Bancroft is mit 73 Johren in dat New Yorker Mount Sinai Hospital an Gebärmutterkrebs storven. Se wurr begraven, dicht bi hör Öllern Mildred un Michael Italiano, up den Kensico Cemetery in Valhalla, Mount Pleasant, New York.

Utteknungen

Oscar as Best Hööftdorstellerin:

• 1963: Licht im Dunkel
• 1965: Nomineert Schlafzimmerstreit
• 1968: Nomineert Die Reifeprüfung
• 1978: Nomineert Am Wendepunkt
• 1986: Nomineert Agnes – Engel im Feuer

Golden Globe

• 1963: nomineert as best Hööftdorstellerin för Licht im Dunkel
• 1965: Wunnen as best Hööftdorstellerin in Schlafzimmerstreit
• 1968: Wunnen as best Hööftdorstellerin in Die Reifeprüfung
• 1978: nomineert as best Hööftdorstellerin för Am Wendepunkt
• 1984 nomineert as best Hööftdorstellerin för Sein oder Nicht Sein
• 1985: nomineert as best Hööftdorstellerin för Die Göttliche
• 1986: nomineert as best Hööftdorstellerin för Agnes – Engel im Feuer
• 1987: nomineert as best Hööftdorstellerin för Nacht, Mutter

BAFTA Awards

• 1963: Wunnen as best Hööftdorstellerin in Licht im Dunkel
• 1965: Wunnen as best Hööftdorstellerin in Schlafzimmerstreit
• 1969: nomineert as best Hööftdorstellerin för Die Reifeprüfung
• 1973: nomineert as best Hööftdorstellerin för Der junge Löwe
• 1976: nomineert as best Hööftdorstellerin för Das Nervenbündel
• 1979: nomineert as best Hööftdorstellerin för Am Wendepunkt
• 1988: Wunnen as best Hööftdorstellerin in Zwischen den Zeilen

Tony

• 1958: nomineert as best Nevendorstellerin för Two for the Seesaw
• 1959: nomineert as best Hööftdorstellerin för Licht im Dunkel
• 1977: nomineert as best Hööftdorstellerin för Golda

Ünner tallriek anner Filmpriesen, as söss Emmys wurr se eenmal för de Goldene Himbeere (1989 as schlechteste Nevendorstellerin in Bert Rigby, You’re a Fool) nomineert.

Anne Bancroft hett een Steern up den Hollywood Walk of Fame, 6368 Hollywood Boulevard.

Theaterrullen

• Two for the Seesaw (1958)
• The Miracle Worker (1959)
• Mother Courage and Her Children (1963)
• The Devils (1965)
• The Little Foxes (1967)
• A Cry of Players (1968)
• Golda (1977)
• Duet for One (1981)
• Occupant (2002)

Filmrullen (Utwahl)

Johr	Titel	Synchroonsnacker
1952	Don’t Bother to Knock dt.: Versuchung auf 809
1953	Tonight We Sing dt.: Götter ohne Maske
1953	Treasure of the Golden Condor dt.: Im Reich des goldenen Condor	Edith Schneider
1953	The Kid from Left Field
1954	Gorillas at Large dt.: Der Würger von Coney Island
1954	Demetrius and the Gladiators dt.: Die Gladiatoren	Tilly Lauenstein
1954	The Raid dt.: Unter zwei Flaggen	Ursula Heyer; 2. Synchro
1955	The Last Frontier dt.: Draußen wartet der Tod	Tilly Lauenstein
1955	New York Confidential dt.: Pantherkatze
1955	The Naked Street dt.: Nackte Straßen	Sigrid Lagemann
1956	Nightfall dt.: Wenn die Nacht anbricht	Ursula Heyer
1956	Walk the Proud Land dt.: Ritt in den Tod	Marion Degler
1957	The Restless Breed dt.: Ein Kerl wie Dynamit
1957	The Girl in Black Stockings dt.: Das Mädchen mit den schwarzen Strümpfen	Sigrid Lagemann
1962	The Miracle Worker dt.: Licht im Dunkel	Eleonore Noelle
1962	The Pumpkin Eater dt.: Schlafzimmerstreit	Marianne Mosa
1965	The Slender Thread dt.: Stimme am Telefon	Eva Katharina Schultz
1966	7 Women dt.: Sieben Frauen	Anneliese Priefert
1967	The Graduate dt.: Die Reifeprüfung	Eva Pflug
1967	I’m Getting Married (Feernsehfilm)
1972	Young Winston dt.: Der junge Löwe	Eva Pflug
1974	The Prisoner of Second Avenue dt.: Das Nervenbündel	Eva Pflug
1974	The Hindenburg dt.: Die Hindenburg	Eva Katharina Schultz
1976	Lipstick dt.: Eine Frau sieht rot	Rosemarie Fendel
1976	The Turning Point dt.: Am Wendepunkt	Bettina Schön
1980	The Elephant Man dt.: Der Elefantenmensch	Bettina Schön
1983	To Be or Not to Be dt.: Sein oder Nichtsein	Bettina Schön
1984	Garbo Talks dt.: Die Göttliche	Bettina Schön
1985	Agnes of God dt.: Agnes – Engel im Feuer	Eva Katharina Schultz
1986	Night, Mother dt.: Nacht, Mutter	Bettina Schön
1986	84 Charing Cross Road dt.: Zwischen den Zeilen	Eva Pflug
1988	Torch Song Trilogy dt.: Das Kuckucksei	Edith Schneider
1989	Bert Rigby, You’re a Fool dt.: Singende Kumpel haben’s schwer
1992	Broadway Bound (Feernsehfilm) dt.: Broadway Familie	Inken Sommer
1992	Honeymoon in Vegas dt.: …aber nicht mit meiner Braut – Honeymoon in Vegas
1992	Love Potion No. 9
1992	Mrs. Cage (Feernsehfilm)
1993	Point of No Return dt.: Codename: Nina	Renate Küster
1993	Malice dt.: Malice – Eine Intrige	Bettina Schön
1993	Mr. Jones	Bettina Schön
1994	Oldest Living Confederate Widow Tells All (Feernsehfilm)
1994	The Mother (Feernsehfilm)
1995	How to Make an American Quilt dt.: Ein amerikanischer Quilt	Inken Sommer
1995	Home fort he Holidays dt.: Familienfest und andere Schwierigkeiten	Bettina Schön
1996	The Sunchaser dt.: The Sunchaser – Die Suche nach dem heiligen Berg	Inken Sommer
1996	Homecoming (Feernsehfilm) dt.: Vier Geschwister halten zusammen	Bettina Schön
1997	G.I. Jane dt.: Die Akte Jane	Maddalena Kerrh
1997	Critical Care dt.: Sterben und erben
1998	Great Expectations dt.: Große Erwartungen	Bettina Schön
1999	Deep in My Heart (Feernsehfilm)
2000	Keeping the Faith dt.: Glauben ist alles!	Bettina Schön
2000	Up at the Villa dt.: Die Villa	Bettina Schön
2001	Heartbreakers dt.: Heartbreakers – Achtung:Scharfe Kurven!	Renate Küster
2001	Haven (Feernsehfilm)
2003	The Roman Spring of Mrs. Stone (Feernsehfilm) ) dt.: Mrs. Stone und ihr römischer Frühling	Luise Lunow

Weblenken

Anne Bancroft. Mehr Biller, Videos oder Audiodateien to’t Thema gifft dat bi Wikimedia Commons.

• Anne Bancroft in de Internet Movie Database (engelsch)
• Nahroop vun de BBC