Eva Pflug

Vun Wikipedia
Eva Pflug in Hannober op de EXPO 2000

Eva Pflug (* 12. Juni 1929 in Leipzig; † 5. August 2008 in München) weer en düütsche Schauspelersche un Synchroonsnackerin.

Leven[ännern | Bornkood ännern]

Pflug is dör ehr Rull as Tamara Jagellovsk in de Feernsehreeg Raumpatrouille – Die phantastischen Abenteuer des Raumschiffs Orion bekannt un beropen woorn. In disse Rull weer se en Symbolfigur för’t Emanziperen vun de Fro, ofschoonst se sik sülvst nieniech as’n „Emanze“ sehn hett. In de Feernsehreeg hett se dormols an de Siet vun Dietmar Schönherr, Claus Holm, Wolfgang Völz, Friedrich G. Beckhaus un Ursula Lillig speelt.

Na de Rull in de Raumpatrouille harr se dorna bi’n Feernsehn keen groden Spood mehr. Liekers hett se in mehr as söventig Produkschonen mitspeelt. Kunzentreert hett se sik dorna aver wedder op ehr Bühnenloopbahn, de se 1947 in ehr Heimatstadt anfungen harr. Se hett Engagements in Hüüs Basel, München, Köln, Frankfort an’n Main un Berlin hatt, as ok bi Festspelen in Heppenheim, Jagsthausen un Ettlingen.

In disse Tiet hett se Hööftrullen in mehrere „Klassikers“ vun de Bühnenkunst speelt. Dorto hebbt ünner annern dat Gretchen in Goethe sien „Faust“ un de Martha in Kleist sien „De Putt in Schören“. För ehr Rull in Brechts „Mutter Courage“ is se 1986 mit den Groden Pries vun Bad Hersfeld uttekent worrn (Bad Hersfelder Festspelen). Butendem hett se in Shaws „Saint Joan“ (dt.: Die heilige Johann), in Shakespeares „ A Midsummer Night’s Dream“ (dt.: Ein Sommernachtstraum) un „Twelfth Night, or What You Will“ (dt.: Was Ihr wollt). Twüschen 1980 un 1985 hett se ruchweg sövenhunnert mol mit Paul Hubschmied in Boulevard-Kummedien op de Bühn stahn.

Beropen is ok ehr Synchroonstimm. Snackt hett se ünner annern Julie Christie („Doctor Zhivago“), Ursula Andress, Anne Bancroft („The Graduate“), Eva Marie Saint in Hitchcocks („North by Northwest“) un Susan Flannery as Stephanie Forrester in de Feernsehreeg „The Bold and the Beautiful“

Eva Pflug is an’n 6. August 2008 dood in ehr Wahnung in München opfunnen worrn.[1]

Filmografie (Utwahl)[ännern | Bornkood ännern]

Johr Titel
1950 Der Rat der Götter
1953 Unter den Sternen von Capri
1956 Manöverball
1958 Gestehen Sie, Dr. Corda!
1959 Der Frosch mit der Maske
1960 Ich schwöre und gelobe
1960 Man on a String
dt.: Geheimakte M
1960 Die Botschafterin
1961 Bis zum Ende aller Tage
1962 Das Halstuch, Feernsehreeg
1964 Slim Callaghan greift ein, Feernsehreeg
1965 Frühstück mit Julia, Feernsehn
1966 Quadrille
1966 Raumpatrouille, Feernsehreeg
1966 I Deal in Danger
1967 Geheimnisse in goldenen Nylons
1968 Eine etwas sonderbare Dame, Feernsehn
1969 Liebe, Love, l’Amour, Feernsehn
1970 Der Minister und die Ente, Feernsehn
1973 L’Éloignement, Feernsehreeg
1975 Die sündige Kleinstadt
1976 Notarztwagen 7, Feernsehreeg
1992 Ein Engel für Felix
1993 Zwei Halbe sind noch lange kein Ganzes, Feernsehreeg
1998 Die Menschen sind kalt
2003 Und Tschüss, Ihr Lieben, Feernsehn
2004 Barbara Wood – Lockruf der Vergangenheit
2008 1:0 für das Glück

Borns[ännern | Bornkood ännern]

  1. http://www.n-tv.de/1005161.htm

Weblenken[ännern | Bornkood ännern]