Anne-Marie David

Vun Wikipedia
Anne-Marie David (2008)

Anne-Marie David (* 23. Mai 1952 in Casablanca) is en franzöösche Singersche. Ehr Loopbahn is verknütt mit den europääschen Slagerwettstriet Eurovision Song Contest, den se 1973 mit dat Leed Tu te reconnaîtras för Luxemborg wunnen hett. Se is een vun wenige Künstlers, de för twee verschedene Länner an den Wettstriet deelnahmen hebbt.

David is 1973 vun de luxemborgschen Rundfunkanstalt RTL inlaadt worrn, dat Groothartogdom in’t egene Land to vertreden. Dormit hett se sik inreegt in en grote Tall vun utlännsche Künstlers, de för Luxemborg sungen hebbt. De Wettstriet hett sik to en opregenden Dreekamp entwickelt. An’t Enn vun de Punktevergaav leeg se mit ehr Leed veer Punkte vör de spaansche Grupp Mocedades un söss Punkte vör den britischen Musiker Cliff Richard.

Söss Johren later hett David noch eenmol an den Wettstriet deelnahmen, ditmol aver vör ehr Heimatland Frankriek. Bi den Eurovision Song Contest 1979 in Jerusalem hett se mit ehr Leed Je suis l’enfant soleil achter den israeelschen Winner Milk & Honey un de spaansche Betty Missiego den drüdden Platz maakt.

Weblenken[ännern | Bornkood ännern]

  • Interview op fr.wikinews.org (franzöösch)
  • Biograie op ehr Websteed annemariedavid.net (franzöösch, engelsch)