Patty Arceo

Ana Patricia „Patty“ Arceo (* 1968) is en Politikerin ut Belize (PUP).

Von 1991 bet 1994 weer Arceo Viez-Börgermeestersche von San Pedro Town.

Bi de Parlamentswahl in Belize 1998 weer se Kannedatin för de PUP in’n Wahlkreis Belize-Land Süüd un hett de Wahl mit 57,01 % von de Stimmen gegen Manuel Heredia von de UDP wunnen. Bi de Wahl 2003 weer se in’n sülven Wahlkreis Kannedatin, hett de Wahl aver mit 47,78 % von de Stimmen gegen Heredia verloren. Bi de Wahl 2008 is se nich antreden. Bi de Wahl 2012 weer se denn aver wedder Kannedatin in’n Wahlkreis Belize-Land Süüd un is mit 40,63 % von de Stimmen op’n tweten Platz kamen, achter Heredia un vör Robert Lopez von de VIP.

Dormit weer se von’n 27. August 1998 bet 13. März 2003 Afornte von dat Repräsentantenhuus von Belize. Se weer in düsse Tied von Oktober 1999 bet 2003 Staatsministerin in dat Ministerium för Industrie un Hannel.