Andreas Stitzl

Andreas „Andi“ Stitzl (* 4. März 1974 in Traunstein) is en ehmalger düütsch Biathlet un Skilanglöper.

Andreas Stitzl is 2000 in Zakopane eerstmals bi de Europameesterschapen up de internatschonale Bühne antreeden. He wurr Europameester in' Sprint vör Ivan Masařík un Oļegs Maļuhins un Dart in de Verfolgung. En wiedere Goldmedaille wunn he mit de Staffel, to de ok Jan Wüstenfeld, Gunar Bretschneider un Ulf Karkoschka hörrn deen. 2001 geev he sien Debüt in Ruhpolding in' Biathlon-Weltcup. Nah en 41. Platz in' Sprint keem he in de Verfolgung up Platz 29. In dat Johr 2001 is he weer bi de Europameesterschapen in Haute Maurienne antreeden. Hier wunn he de Sülvermedaille in'T Eenzel achter den Öösterrieker Günther Beck un mit de Düütsch Staffel (mit Michael Greis, Alexander Wolf un Jörn Wollschläger) Gold. In de Saison 2001/02 is he weer mehrfack in' Weltcup antreden. Sien best Saisonergebnis un ok sien best Weltcupergevnis överhoopt, weer Platz 4 in de Verfolgung vun Antholz, nahdem he in dat dortohörrn Eenzelrennen tovör blots up Platz 21 kommen weer. Wiedere Saisonhööchpunkte weern de Gewinn vun de Bronzemedaille in' Sprint bi de Militärweltmeesterschapen in Jericho un de Deelnahm an sien darte Europameesterschapen in Kontiolahti. Hier wunn he gemeensam mit Daniel Graf, Andreas Birnbacher und Carsten Heymann sien dart Staffelgold.

Siet de Saison 2007/08 weer Andreas Stitzl Bundstrainer vun de männlich Jöögd (J17) as ok Stüttpunkttrainer. In disse Funktion hett he ünner anner Kati Wilhelm betrüet. Siet 2010 is he Trainer vun de Lehrgangsgrupp Ib vun dat Natschonalkader vun de Mannlüüd in' Biathlon. As Stüttpunkttrainer betrüet he ünner annern Johannes Kühn. To de Saison 2014/15 övernehm he neben Mark Kirchner de Positschoon vun den Leiten Disziplintrainers vun de Herrenmannschap.

Nähe to de Rieksbörgerbewegung

2016 keem Stitzl in Verdacht dör en Andrag up Utstellen vun en Staatsangehörigkeitsutwies bi dat Landratsamt Traunstein, de so nöömt tReichsbörgerbewegung oder deren Ideologie naht stahn. So sall he sück up dat Rieks- und Staatsangehörigkeitsgesetz van 1913 beropen un as wiedere Staatsangehörigkeit „Königriek Bayern“ angegeven hemm.^[1] Infolgedessen wurr hüm in'n Februar 2017 sien wappenrechtlich Erlovnis afnommen. Sien Biathlongewehr muss he doruphen afgeven. En Klaag gegen disse Maatnahm in'n Juli 2019 vör dat Verwaltungsgericht München bleev ahn Spood.^[2] De Bayerische Binnenminister Joachim Herrmann hett dat Oordeel begrööt. De Binnenministerkonferenz harr in'n Juni 2017 nah den Polizistenmord in Georgensgmünd beslooten, all Anhängern vun de Rieksbörgerszene de wappenrechtliche Toverlässigkeit to enttrecken.^[3]

Weblenken

Andreas Stitzl. Mehr Biller, Videos oder Audiodateien to’t Thema gifft dat bi Wikimedia Commons.

Andreas Stitzl in de Datenbank vun de IBU (engelsch)
Andreas Stitzl in de Datenbank vun de FIS (engelsch)

Enkeld Nahwiesen

↑ Xaver Eichstädter: Welche Zukunft hat Stitzl als Biathlon-Trainer in Ruhpolding? In: Chiemgau24.de. OVB, 12. Juli 2019, afropen an’n 18. Juli 2019.
↑ Gericht bestätigt Waffenverbot für Ex-Biathlet Andreas Stitzl. In: Zeit Online. Afropen an’n 11. Juli 2019.
↑ Innenminister wollen „Reichsbürger“ entwaffnen. In: FAZ.net. Frankfurter Allgemeine Zeitung, 1. Juni 2017, afropen an’n 18. Juli 2019.

[1] Xaver Eichstädter: Welche Zukunft hat Stitzl als Biathlon-Trainer in Ruhpolding? In: Chiemgau24.de. OVB, 12. Juli 2019, afropen an’n 18. Juli 2019.

[2] Gericht bestätigt Waffenverbot für Ex-Biathlet Andreas Stitzl. In: Zeit Online. Afropen an’n 11. Juli 2019.

[3] Innenminister wollen „Reichsbürger“ entwaffnen. In: FAZ.net. Frankfurter Allgemeine Zeitung, 1. Juni 2017, afropen an’n 18. Juli 2019.

[1]

[2]

[3]