Andreas Schweiger (Biathlet)

Vun Wikipedia
Zur Navigation springen Zur Suche springen

Andreas Schweiger (* 10. Juni 1953 in Schwangau; † 5. November 2018 ok dor[1]) weer en düütsch Biathlet.

Werdegang[ännern | Bornkood ännern]

Andreas Schweiger weer, ofschons he nie bi Olympisch Winterspelen antreeden is, en van de spoodriekst westdüütsch Biathleten Enn‘ van de 1970er, Anfang van de 1980er Johren. 1973 fung he sien 13 Johr lang düern Deenst in de Bundswehrsportgrupp in Mittenwald an.

Bei de Biathlon-Weltmeesterschaften 1978 in Hochfilzen wunn he gemeensam mit Gerhard Winkler, Hans Estner un Heinrich Mehringer achter de Mannschapen ut de DDR un Norwegen de Bronzemedaille. In den Biathlon-Weltcup 1977/78 harr he kört tovör glieks bi de eersten Wettebewarf van den nee schaffen Biathlon-Weltcup in Ruhpolding Platz dree in dat 20-km-Eenzelrennen achter de beid DDR-Sportler Klaus Siebert un Eberhard Rösch beleggt. 1978 un 1979 wurr Schweiger Düütsch Meester in de 20-Kilometer-Wettbewarfen. 1981 kunn de bundsdüütsch Staffel bi de Weltmeesterschapen mit Peter Angerer, Schweiger, Fritz Fischer un Franz Bernreiter de Silbermedaille achter de DDR aber vör de Sowjetunion winnen. In de Saison belegg Schweiger achter Angerer un noch vör Frank Ullrich un Matthias Jacob den tweeten Platz in dat Biathlon-Weltcup-Rennen (Eenzel) van Ruhpolding, fief Week later in dat Eenzel van Oslo keem he up den darten Platz achter Dmitri Wassiljew un Johann Passler, dat weer denn ok sien letzt Podestplatz in den Weltcup.[2]

Nah sien aktiv Karriere kehr he 1988 nah Schwangau torüch. He wurr Trainer un Kommunalpolitiker. As Langlooptrainer hett he bi de TSV Schwangau mitwarkt[3] un bedreev as Pächter en Parkplatz.

Enkeld Nahwiesen[ännern | Bornkood ännern]

  1. [1] Doodsanzeig
  2. [2] SCHWEIGER Andreas bi neveitalia.it, afropen an’n 7. Februar 2016 (italieensch)]
  3. [3] Leistungssport - Sportförderung ; internat-hohenschwangau.de, afropen an’n 7. Februar 2016