Peter Angerer

Vun Wikipedia
Zur Navigation springen Zur Suche springen

Peter Angerer (* 14. Juli 1959 in Hammer, Siegsdorf, Bayern) is en ehmalg düütsch Biathlet.

Bi de Olympisch Winterspelen 1984 haal he in dat Eenzelrennen över 20 km en vun twee Goldmedaillen för de Bundsrepubliek Düütschland. Dorbi kunn he Löpers as Frank-Peter Roetsch, Eirik Kvalfoss, Yvon Mougel, Frank Ullrich un Rolf Storsveen achter sück laaten. Doröver herut wunn he över de 10 km en Sülvermedaille achter Eirik Kvalfoss aber vör Matthias Jacob un mit de Staffel hett he denn noch de Bronzemedaille haalt.

All veer Johr tovör in Lake Placid harr he mit de Staffel Bronze wunnen. 1988 in Calgary, wo he bi de Eröffnungsfier Fahnendräger vun de düütsch Mannschap weer, wunn he mit de Staffel noch en Sülvermedaille.

Dortüschen harr Angerer fiev WM-Medaillen as ok mehrere Weltcuperfolge errungen. 1983 weer he sogor Winner vun den Biathlongesamtweltcup un kreeg 1984 en Bambi.

1986 wurr Angerer nah de Biathlon-Weltmeesterschapen in Oslo positiv up Methyltestosteron test un bit to'n 31. Januar 1987 wegen Dopingvergahn sparrt.[1]

Dör sien Spood wurrd seggt, dat he den Biathlon-Sport in Düütschland populär maakt hett. Hüüd bedrifft Angerer en Langloopschool in Ruhpolding.

Enkeld Nahwiesen[ännern | Bornkood ännern]

  1. Andreas Singler, Gerhard Treutlein: Doping im Spitzensport. Sportwissenschaftliche Analysen zur nationalen und internationalen Leistungsentwicklung. Aken 2007, ISBN 978-3-89899-192-6, S. 292/293

Weblenken[ännern | Bornkood ännern]