Rolf Storsveen

Vun Wikipedia
Zur Navigation springen Zur Suche springen

Rolf Storsveen (* 22. April 1959 in Elverum) is en ehmalger norweegsch Biathlet.

Rolf Storsveen hörr vör allen in de eerst Hälft vun de 1980er Johren to en vun de starkst norweegsch Biathleten. De Athlet vun Sørskogbygda Idrettslag nehm eerstmals 1982 in Minsk an de Biathlon-Weltmeesterschapen deel un wunn dor gemeensam mit Eirik Kvalfoss, Kjell Søbak un Odd Lirhus as Slusslöper vun de norweegsch Staffel achter de Mannschap vun de DDR de Sülvermedaille. Ebenfalls recht spoodriek verleepen de Olympisch Winterspelen 1984 vun Sarajevo, bei de Storsveen up Platz 6 in't Eenzel keem un mit Lirhus, Kvalfoss un Søbak Tweet achter de sowjeetsch Staffel wurr. In Ruhpolding nehm de Norweger 1985 nochmals an en WM deel, verpass dor aber as Veert in't Staffelrennen knapp en wiedere Medaille.

Natschonal wurr Storsveen 1981 in Bardufoss Meester in' Eenzel. 1984 keem in Vossestrand nochmals de Viezmeesterschap achter Kvalfoss dorto. Todem wurr he 1981 achter Sigleif Johansen Viezmeester in't Sprintrennen. Wiedere Erfolge reck he vör allen mit de Staffel, för de he in de Vertreeden vun de Region Østerdal bit 1984 un för Hedmark siet 1985 antreeden dee. 1980, 1981, 1983, 1984 un 1985 wurr he Meester, 1982 un 1987 Viezmeester as ok 1991 Dart.

Weblenken[ännern | Bornkood ännern]