Anaïs Chevalier-Bouchet

Vun Wikipedia
(wiederwiest vun Anaïs Chevalier)
Anaïs Chevalier-Bouchet 2017

Anaïs Chevalier-Bouchet, geb. Anaïs Chevalier (* 12. Februar 1993 in Saint-Martin-d’Hères) is en ehmalge franzöösch Biathletin.

Chevalier-Bouchet weer all spoodriek in’n Jöögd- un Juniorenberiek un geev 2013 hör Debüt in’n Weltcup. Wiel se faken Probleme mit hör Rügg harr, wurr se aber torüchstuuft, kunn sück aber 2015 in de eerst franzöösch Mannschap fastsetten un hett 2016 hör eerst Weltcuprennen wunnen.

Sportlich Loopbahn[ännern | Bornkood ännern]

Nahwussberiek un Upstieg in dat Weltcupteam (bit 2014)[ännern | Bornkood ännern]

Chevalier-Bouchet is in dat Département Isère upwussen, nich wiet vun de Alpen un keem fröh mit den Wintersport in Kuntakt. Se is mit dat alpin Skifohren anfungen un is in hör Jöögd den Club Omnisports des Sept Laux bitreeden, traineer tonächst Skilangloop un is nah wenig Johren to’n Biathlon wesselt. Vun Anfang an, leegen hör Stärken in’t Scheeten, wiels se bi dat Loopen achter anner Athletinnen torüch bleev. [1] Bi den Jugendweltmeesterschapen 2010 in Torsby nehm se eerstmals an en internatschonal Grootereignis deel, wo se in’n Sprint un in de Staffel jewiels up den achten Rang keem, in’n Sprint aber disqualifizeert wurr.[2] In dat Johr dorup wunn se bi de Jugend-WM de Sülvermedaille in Sprint un Verfolgung as ok de Bronzemedaille mit de Staffel, ok in de nächsthöhgere Öllersklass vun de Junioren hett sück mit en fehlerfree Rennen 2012 de WM-Sülvermedaille in’n Sprint haalt. Dorto keemen wieder un Platzeeren un Siege natschonal as ok internatschonal.

Mit 18 Johren geev Chevalier-Bouchet hör Debüt in’n IBU-Cup, de nah den Weltcup tweethööchste Wettkamppreeg in’n Utwussenberiek. Bi hör tweeten Start in dat Verfolgungsrennen vun Annecy-Le Grand-Bornand wunn se eerste Punkte för de Gesamtwertung un keem in de folgend Winter mehrfack ünner de best Teihn. Af Dezember 2013 is se in dat franzöösch Weltcupteam uprückt. Glieks bi hör eerst Rennen, den Sprint vun Hochfilzen bleev se as eenzige Athletin vun hör Team ahn Fehler in’t Scheeten un keem up Platz 27. Ansluutend wurr se in de Staffel insett – wiel hör Vörbild Marie Dorin-Habert mit Besehren to’n Anfang vun de Saison utfallen weer[3] – un reckin hör tweet Weltcuprennen gemeensam mit Marie-Laure Brunet, Sophie Boilley un Anaïs Bescond as Dart dat Podest. Se hett sück denn in de franzöösch Weltcupmannschap fastsett un ok an de Olympisch Winterspelen vun Sotschi deelnommen, keem dor aber in Sprint und Verfolgung blots up de Ränge 47 un 44. An’t Enn’n vun den Winter reck se in dat Verfolgungsrennen vun Kontiolahti as Achte hör eerst Top-Ten-Ergevnis in‘n Weltcup. In de Gesamtwertung keem se up den 48. Platz.

Rückstufung, Wedderupstieg un eerst Weltcupsieg (2014 bit 2017)[ännern | Bornkood ännern]

Chevalier-Bouchet hett later seggt, dat se nah de Olympiadeelnahm so motiveert ween weer, hör Leistung to stiegern, dat se to gau in dat Training insteegen ween weer un ok „zu hart trainiert“ habe.[1] De dordör in’n Sömmer 2014 entstahn Probleme mit hör Rügg hemm dorto füht, dat se – trotz een Weltcupsieg mit de Mixed-Staffel um Martin Fourcade as Slusslöper bi den Uptakt in Östersund – de Saison vör de Tiet för mehrere Weeken ünnerbreeken muss, um hör Körper to schonen.[4] Se verlor dordör hör Platz in dat Weltcupteam un is 2015 weer in’n IBU-Cup antreeden, wo se mehrere Top-Ten-Ergevnisse harr. Nah en tweeten Platz in’n Sprint vun Ridnaun wurr se weer af Dezember 2015 för den Weltcup melld. Bi hör Comebackrennen in‘n Sprint vun Pokljuka (bi den hör Süster Chloé Chevalier hör Weltcupdebüt geev[5]) wurr Chevalier-Bouchet 35., in den wiederen Saisonverloop keem se mehrmals ünner de best 20 in’n Eenzel un wurr ok weer Stammlöperin vun de Staffel Justine Braisaz, Bescond un Dorin-Habert wunn se de Sülvermedaille bi de Weltmeesterschapen vun Oslo. In den Gesamtweltcup keem se in de Saison up Rang 40.

In de Vörbereiten up den Winter 2016/17 hett sück Chevalier-Bouchet in’t Training besünners up den Muskelupbau konzentreert, um in’t Loopen starker to wurrn.[6] Hör Looptieden wurrn dordör woll beter, keem dormit aber wiederhen nich an de besten Teamkolleginnen (Braisaz, Dorin-Habert un Célia Aymonier) heran, dorför weer se aber in’t Scheeten bete ras de annern.[7] Ok wenn Dorin-Habert as Veert vun den Gesamtweltcup wiederhen de spoodriekste Französin weer, keem hör Chevalier-Bouchet mit Rang 7 goot nah. Se stunn in disse Saison glieks teihnmal up dat Podest (dorünner 5 mal in Staffeln) un hett in de Verfolgung vun Nové Město na Moravě hör eerst (und nahderhen eenzig) Eenzelrennen mit 9,5 Sekunnen Vörsprung up Dorothea Wierer. Bi den Weltmeesterschapen in Hochfilzen hett Chevalier-Bouchet jewiels as Startlöperin de Sülvermedaille mit de Mixed-Staffel un de Bronzemedaille mit de Fruenstaffel. As Dart vun den Sprint (achter Gabriela Koukalová un Laura Dahlmeier) wunn se de eenzig WM-Eenzelmedaillev un en franzöösch Fru. An’t Enn’n vun de Saison keem se in den Gesamtweltcup un in’n Sprintweltcup jewiels up Rang 7. Den Verfolgungsweltcup hett se up Rang 8 afslooten.

Wiedere Weltspitze, Formschwächen un Schwangerschapspause (af 2017)[ännern | Bornkood ännern]

Chevalier-Bouchet bi dat Stahndscheeten wiels den Weltcupsprint in Oberhof in‘n Januar 2018

In den Saisons vun 2017 bit 2019 reck Chevalier-Bouchet in wiederen Eenzelrennen dat Podium, schaff aber kein tweeten Weltcupsieg un keem in de Gesamtwertung up de Plätze 19 un 20. In’n Mai 2017 hett se sück bi en Fohrradunfall in’n Training dat Slötelbeen braken.[8] Bi de Olympisch Spelen 2018 in Pyeongchang wunn se de Bronzemedaille mit de Fruenstaffel, hett aber in de Eenzelwettbewarfen mehrere Fehler schaaten. Hör best Ergevnis weer do Rang 16 in’n Sprint. Nah den olympischen Winter weer se düchtig untofräe mit den Verloop un hett later seggt, dat hör de Sport meest anwidert hett. Se hett dornah hör Training nee gestalt un fung an, mehr för sück sülvst un nich mit de Mannschap to traineeren.[9] In‘n Dezember 2018 un Januar 2019 reck Chevalier-Bouchet in söss upnannerfolgen Wettbewarfen de Top Ten un stunn dreemal up dat Podium. Achter Anastasiya Kuzmina leep se bi den Massenstart in Nové Město de tweetflinkste Tiet up de Strecke un wurr Dart (achter Kuzmina un Paulína Bátovská Fialková – ok insgesamt harr sück hör Loopleistung düchtig verbetert.[9] Bi den Sprint vun Oberhof verpass se as Tweet achter Lisa Vittozzi den Sieg um blots fief Sekunnen.

Twee Maand later bi de Weltmeesterschapen in‘n März 2019 weer Chevalier-Bouchet wiet vun de vördere Plätzen weg: Best Eenzelergevnis weer en 32. Rang in‘n Sprint un sowohl in de Mixed-Staffel as ok in de Fruenstaffel hett se as Startlöperin völ Tiet verloren un hett jewiels up Platz 15 övergeven. Nah de Fruenstaffel hett se seggt, dat se kumplett ut de Form weer, dorum kunn hör swaak Leistung för nümms unverwacht kommen. De Mannschapsführung harr hör opstellt, wiel Anaïs Bescond krank utfallen weer un ansonsten „keine große Auswahl“ (In‘n Original: „pas trop le choix“) bestahn harr.[10] Se hett nah de WM-Staffel de Saison vör de Tiet afslooten un hett up den Massenstart verzicht un ok an den afsluuten Weltcup an’n Holmenkollen hett se nich deelnommen.[11] In den Gesamtweltcup in de Saison reck se den 20. Rang un weer dormit de best franzöösch Biathletin.

In‘n Mai 2019 geev Chevalier-Bouchet bekannt, dat se siet dree Mannd schwanger weer un dorum de Saison 2019/20 utsetten wull.[12] Hör eersten Wettkamp nah de Paus hett se as Tweet vun en lokal Rennen in’n Februar 2020 bestreeden[13] un kehr mit Anfang vun den Winter 2020/21 in den Weltcup torüch. An’n 3. Dezember leep se in Kontiolahti in’n Sprint up den tweeten Platz achter Hanna Öberg aber vör deren Süster (Elvira Öberg]] un Marte Olsbu Røiseland. In den wiederen Saisonverloop reck se in mehreren Weltcuprennen dat Podest un beleg gas beste Französin Rang negen in’n Gesamtweltcup. In den Eenzelweltcup keem se up Rang 7 un in’n Sprintweltcup sogor up Rang 5.

Bi de Weltmeesterschapen 2021 up de Pokljuka wunn Chevalier-Bouchet – jewiels bi Siegen vun Tiril Eckhoff – de Sülvermedaille in’n Sprint un Bronze in de Verfolgung. Een Johr later hett se bi de olympisch Biathlon-Wettbewerben in Peking Sülver in’t Eenzel (achterDenise Herrmann, aber vör Marte Olsbu Røiseland un Vanessa Voigt as ok mit de Mixed-Staffel (gemeensam mit Julia Simon, Émilien Jacquelin un Quentin Fillon Maillet. De Weltcup-Saison hett se in de Gesamtwertung up Rang 5 afslooten, womit se de beste Französin weer. Den Rang harr se ok in’n Sprint-Weltcup un in den Verfolgungsweltcup geev dat sogor Rang 4. Tegenöver dat franzöösch Blatt Le Figaro hett Chevalier-Bouchet 2022 seggt, dat hör hör Moderschap hulpen harr, wat Afstand to den Sport to winnen un wenn dat mal nich so loopen dee, nicht o düchtig negativ to denken. Biathlon harr för hör wiederhen en hohgen Stellenwert, aber dat würr sück dorum nich blots noch dreihen. [14] Hör Trainer Frédéric Jean hett buterdem seggt, dat sück hör Körperbau nah de Schwangerschapspaus verännert harr, se nu weniger Energie verbruuken dee un insgesamt en beter Verhältnis vun Gewicht to Leistung harr.[15]

De Saison 2022/23 hett se as Gesamtweltcup-Achte un Tweet in’n Massenstartweltcup afslooten. Mit en darten Platz bi den afsluuten Massenstart in Oslo hett se hör Loopbahn afslooten.[16]

Bi de Biathlon-Weltmeesterschapen 2023 in Oberhof verpass se as Veert in’n Massenstart (achter Hanna Öberg, Ingrid Landmark Tandrevold un Julia Simon) knapp en Medaille, wunn aber Bronze mit de Mixed-Staffel.

Persönliches[ännern | Bornkood ännern]

Chevalier-Bouchet hör Süster Chloé is ebenfalls aktive Biathletin. Anaïs Chevalier-Bouchet hett dat Sportinternat in Villard-de-Lans besöcht, wo to’n Bispeel ok all de Bröers Simon un Martin Fourcade ween.[1] Nah hör Schoolafsluss hett se an de Universität Grenoble Sportwetenschapen studeert.[17] un is in’n Juli 2014 dat Ski-Team vun den franzööschen Toll bitreeden.[18] In‘n September 2017 hett Chevalier den fröheren Biathleten un Skilanglöper Martin Bouchet heiraadt, mit den se in’n Harvst 2019 en Dochter kreeg.[19] Siet de Gebort is se ünner den Düppelnaam Chevalier-Bouchet antreeden. A en vun hör Hobbies gifft se dat Malen an un betekent sück ok as „Bökerworm“.[9]

Weblinks[ännern | Bornkood ännern]

Anaïs Chevalier. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. a b c Jerry Kokesh: Anaïs Chevalier: Harte Arbeit, Opfer und ein Weltcupsieg! In: Biathlonworld Nummer 42/2017, S. 94–98.
  2. Nah hör eenzig Straafrunn weer se up de falsch Siet vun de Begrenzung up de Streck torüchgahn, vgl. Interview up dauphinordique.com. Rutkommen an’n 5. Februar 2010. Afropen an’n 7. April 2020.
  3. Anaïs Chevalier: « Je ne sais pas à quoi m’attendre » up nordicmag.info. Rutkommen an’n 25. Januar 2014. Afropen an’n 7. April 2020.
  4. Sylvain Lartaud: Anaïs Chevalier, la résurrection. In: Sportmag, Nummer 98 (04/2017). S. 44–45. Online verfügbar.
  5. Les soeurs Chevalier en Coupe du monde up ledauphine.com. Rutkommen an’n 14. Dezember 2015. Afropen an’n 7. April 2020.
  6. Anaïs Chevalier: «J’ai envie de passer un cap» up nordicmag.info. Rutkommen an’n 6. November 2016. Afropen an’n 7. April 2020.
  7. IBU Biathlon Guide 2017/2018, S. 350–353.
  8. Anaïs Chevalier renversée par une voiture et blessée up lequipe.fr. Rutkommen an’n 24. Mai 2017. Afropen an’n 7. April 2020.
  9. a b c Giulio Gasparin: Das Kämpferherz der Anaïs Chevalier. In: Biathlonworld, Nummer 50/2019, S. 80–84.
  10. Championnats du monde: Anaïs Chevalier était « carrément hors de forme » sur le relais up lequipe.fr. Rutkommen an’n 16. März 2019. Afropen an’n 7. April 2020.
  11. Championnats du monde: Anaïs Chevalier forfait sur la mass start up lequipe.fr. Rutkommen an’n 17. März 2019. Afropen an’n 7. April 2020.
  12. Anaïs Chevalier va devenir maman et manquera la saison 2019-2020 de Coupe du monde up lequipe.fr. Rutkommen an’n 15. Mai 2019. Afropen an’n 8. April 2020.
  13. Anaïs Chevalier de retour à la compétition up ledauphine.com. Rutkommen an’n 24. Februar 2020. Afropen an’n 7. April 2020.
  14. Cédric Callier: JO : Anaïs Chevalier-Bouchet, maman en quête de médaille up lefigaro.fr. 6. Februar 2022. Afropen an’n 25. März 2023.
  15. Adrien Mathieu: JO 2022 – Anaïs Chevalier-Bouchet, un retour fracassant up lepoint.fr. Afropen an’n 25. März 2023.
  16. International Biathlon Union - Athlete profile for Anais CHEVALIER-BOUCHET. Afropen an’n 25. März 2023 (engelsch).
  17. Anaïs Chevalier va chercher la médaille olympique up univ-grenoble-alpes.fr. Rutkommen an’n 29. Januar 2018. Afropen an’n 25. März 2023.
  18. Anaïs CHEVALIER (ski nordique) up douane.gov.fr. Afropen an’n 25. März 2023.
  19. Biathlon: Anaïs Chevalier est maman up nordicmag.info. Rutkommen an’n 29. Oktober 2019. Afropen an’n 25. März 2023.