Ingrid Landmark Tandrevold

Vun Wikipedia
Zur Navigation springen Zur Suche springen
Ingrid Landmark Tandrevold, 2017

Ingrid Landmark Tandrevold (* 23. September 1996 in Bærum) is en norweegsch Biathletin.

Ingrid Landmark Tandrevold leevt in Oslo un hör Vereen is Fossum IF. Traineert wurrd se vun Roger Grubben un Hans Anton Bjørndalen. Se is en vun de ganz wenigen Lüüd, de mit links scheeten deiht.

Bi den Biathlon-Juniorenweltmeesterschapen 2015 in Minsk as ok 2016 in Cheile Gradistei wunn se insgesamt fiev Medaillen, dorvan eenmal Gold in de Verfolgung un Gold mit de Staffel.

Hör eersten Insatz bi de Senioren kreeg se 2016 bi den Biathlon-Europameesterschapen in dat russisch Tjumen, de in' Rahmen vun den IBU-Cup utdragen wurrn. All in dat eerst Rennen, de Single-Mixed-Staffel, wunn se gemeensam mit Vetle Sjåstad Christiansen de Bronzemedaille. Nah en 15. Platz in' Sprint hett se sück in de Verfolgung mit de best Looptiet vun dat ganze Feld un dree Scheetfehlern wiet nah vörn arbeit un stunn an' Enn' up dat Podium. Se hett sück dorbi in' Teelsprint Anastassija Sagoruiko dörsett un wunn de Bronzemedaille. Wegen hör good Leistungen hett se sück denn ok för den Massenstart qualifizeert, de se ok up den darten Platz afsluuten kunn. Ok hier wunn se knapp gegen Sagoruiko un deren Teamkameradin Olga Jakuschowa.

Nahdem hör Vereenskollegin Tiril Eckhoff nah de spoodriek Heim-WM in Oslo up en Start bi dat Weltcupfinale in dat russisch Chanty-Mansijsk verzichten dee, wurr Tandrevold wegen hör good Leistungen bi de Europameesterschaften för hör eersten Insatz bi en Weltcuprennen nomineert. In hör eerst Weltcuprennen, den Sprint in Chanty-Mansijsk reck se mit een Scheetfehler den 29. Rang un qualifizeer sück dormit ok för dat Verfolgungsrennen, dat se as 37. un dormit ok in de Punkteränge afsluuten dee.

In de Saison 2016/17 wurr se Östersund, Oberhof un Ruhpolding in eenigen Eenzelrennen insett, keem aber nie nich in de Punkteränge. In Östersund wurr se ok in de Single-Mixed Staffel gemeensam mit Emil Hegle Svendsen insett. Nahdem se aber gliek in den ersten Dörgang to Fall keem, wurrn de beid Norwegers an' Enn blots 11. un wurrn knapp nich vun de Sieger-Mannschap överhalt. Bi de Biathlon-Europameesterschapen 2017 in dat poolsch Duszniki-Zdrój bill se weer mit Vetle Sjåstad Christiansen de norweegsch Single-Mixed-Staffel un wunn de Sülvermedaille.

Weblenken[ännern | Bornkood ännern]