Amtsgericht Cuxhoben
Dat Amtsgericht Cuxhoben is een von de acht Amtsgerichten in’n Landgerichtsbezirk Stood. Dat hett sien Seet in Cuxhoben in’n Landkreis Cuxhoben.
Överornt Gerichten
[ännern | Bornkood ännern]Dat Amtsgericht Cuxhoben sünd in’n Instanzentog dat Landgericht Stood, dat Oberlandsgericht Celle un de Bundsgerichtshoff in Karlsruhe överornt.
Gerichtsbezirk
[ännern | Bornkood ännern]Dat Amtsgericht is tostännig för de Stadt Cuxhoben.
Geschicht
[ännern | Bornkood ännern]Mit dat hambörgsche Gesetz über die Reorganisation in der Verwaltung und Rechtspflege des Amtes Ritzebüttel, dat an’n 28. August 1864 in Kraft gahn is, sünd Verwaltung un Justiz in’t Amt Ritzbüttel kumplett trennt worrn. Dor is denn dat Amtsgericht Ritzbüttel inricht worrn, dat för de Justiz in de nee grünnte Landherrnschop Ritzbüttel tostännig weer. 1907 hett dat Amtsgericht Ritzbüttel den ne’en Naam Amtsgericht Cuxhoben kregen.
1937 mit dat Groot-Hamborg-Gesett is dat Amtsgericht denn von’n Gerichtsbezirk von dat Landgericht Hamborg (Land Hamborg) in den von dat Landgericht Stood (Land Prüßen) wesselt.
Gerichtsgebüüd
[ännern | Bornkood ännern]Von 1864 bet 1892 seten de Amtsrichters in dat Slott Ritzbüttel. 1892 is denn dicht bi dat Slott en neet Gebüüd för dat Gericht boot worrn, in dat dat Gericht an’n 15. Dezember 1892 intagen is.
Dat hüdige Gebüüd in de Diekstraat is 1904 boot worrn.
Amtsrichters
[ännern | Bornkood ännern]- 28. August 1864–28. August 1869: Rudolph Martin
- 29. August 1869–30. Juni 1892: Gottlieb Heinrich Adolf Reinecke
- 1. Juli 1892–30. September 1898: Diedrich Friedrich Bacmeister
- 1. Oktober 1898–31. Dezember 1931: Hermann Eduard Hartwigk
- 1. Januar 1932–Oktober 1933: Kurt Schirach
- 9. Oktober 1933–30. September 1937: Kurt Haverlandt
Weblenken
[ännern | Bornkood ännern]- Websteed von dat Amtsgericht Cuxhoben (hoochdüütsch)
- Översicht över de Rechtsspröök von dat Amtsgericht Cuxhoben (hoochdüütsch)
Koordinaten:53° 52′ N, 8° 42′ O
