Amokloop in München an’n 22. Juli 2016

Vun Wikipedia
(1) McDonald’s-Restaurant
(2) Olympia-Inkoopzentrum (OEZ)

Bi en Amokloop in München hett de 18 Johre ole Schöler David S. an’n 22. Juli 2016 bi dat „Olympia-Inkoopzentrum“ in den Stadtbezirk Moosach negen Minschen an’e Siet maakt, veer annere hett he mit Schöte verwunnt. Tominnst 31 Lüde hefft sik wat daan bi de Panik, de achternah ok in de Binnenstadt vun München utbraken is.[1] De Polizei weer mit Masse Lüde in Insatz. Bi 2 ½ Stunnn, nadem dat losgahn weer, hett en Polizeitrupp den Mann nich wiet af vun dat Inkoopszentrum drapen un em wat toropen. Dor hett he sik sülms mit siene Wapen dootschaten.

Wie dat aflopen is[ännern | Bornkood ännern]

Das McDonald’s-Restaurant gegen den Ingang vun dat Inkoopzentrum over
De grote Ingang vun dat Olympia-Inkoopzentrums in München, 2007

Vun um un bi Klock 17:50 af an is in en McDonald’s-Restaurant schaten wurrn. Klock 17.52 sünd de eersten Nootanrope bi de Polizei ingahn. Fiev Lüde, de in dat Restaurant vun Kogeln drapen wurrn weern, sünd sturven. As de Amoklöper dat Restaurant verlaten hett, hett he up’e Straten up Lüde schaten, de dor vorbi gungen. Twee vun jem sünd dor bi umkamen. Denn is he wieter gahn un hett en Minschen vor en „SATURN“-Filiale umbrocht. Achternah is he over de Straten gahn un in dat Inkoopszentrum intreden un hett dor unnen noch en Minschen dootschaten.[2] Nadem he in de Gegend rumlopen weer, versteek he sik twee Stunnen in en Deepgaragen. Achternah hefft Polizisten em gegen Klock 20.30 upspöört. As se em wat toropen hefft, hett he siene Wapen ruttrocken un sik in‘n Kopp schaten.[3] Verschedene Deele vun den Amokloop sünd vun Tügen filmt un in dat Internet rinstellt wurrn.

Umstänn[ännern | Bornkood ännern]

Dat konn kloorstellt weern, dat düsse Amokloop keen islamistischen Achtergrund harrt hett.[4] Henwiese sünd dor up funnen wurrn, dat bi den Amoklöper siene Motive Rassismus un Rechtsextremismus en Rull speelt hefft.[5] Bi de Wapen, wo he den Anslag mit utöövt hett, hannel sik dat um en Theaterpistolen, de wedder in Gang brocht wurrn is. De Wapen is wohrschienlich in dat Darknet kofft wurrn un keem wohrschienlich ut de Slowakei.[6]

Oppers[ännern | Bornkood ännern]

De Mörder hett twee Deerns un fiev Jungs un junge Lüde twuschen 14 un 20 Johre dootschaten, un denn noch en Fro, de 45 Johre oold weer. Se stammen all ut München un umto.[7] Twee vun de Oppers weern Düütsche, een harr de törksche un twee harrn de düütsche un de törksche Staatsangehörigkeit. Wiet weern mank de Oppers een Ungar, een Greeken, een Kosovaren un een Statenlosen.[8]

Wer den Anslag utöövt hett[ännern | Bornkood ännern]

David S., de den Anslag utöövt hett, weer an’n 20. April 1998 in München boren wurrn.[9] Siene Ollern weern gegen‘t Enn vun de 1990er Johre ut den Iran na Düütschland kamen un harrn vunwegen Asyl anfraagt.[10] He hett de düütsche un de iraansche Staatsangehörigkeit harrt.[11] An un for sik htt he Ali heten, man he hett düssen Naam in David umännert.[12] De Schöler hett tohopen mit siene Ollern un sien jüngern Broder in München sien Stadtbezirk Maxvorstadt leevt.[13] S. hett unner Soziale Phobien leden un harr en Depresschoon. In dat Johr 2015 is he twee Maande lang statschonär in dat Klinikum Harlaching behannelt wurrn; bit en poor Weken vör den Amokloop weer he in ambulante Therapie in de Heckscher-Klinik in München.[14] En Wapenschien hett he nich harrt un bi de Polizei upfullen weer he bit dorhen ok nich.[15] David S. hett düssen Anslag akraat fiev Johre na Anders Behring Breivik siene Ansläge in Norwegen utöövt. He scholl den rechtsextremen Breivik just so verehrt hebben, wie den Amoklöper vun Winnenden, de mit Politik nix an’n Hoot harrt hett.

Weblenken[ännern | Bornkood ännern]

Balleree in München an‘n 22. Juli 2016. Mehr Biller, Videos oder Audiodateien to’t Thema gifft dat bi Wikimedia Commons.

Belege[ännern | Bornkood ännern]

  1. Pressekunferenz vun de Münchner Polizei vun‘n 23. Juli 2016, Klock 11:30 (Video)
  2. [1] Ein Täter, 58 Kugeln – der Amoklauf in München, vun Lars Langenau, Süddeutsche Zeitung, 24. 7. 2016
  3. [2] Freunde von David S. nun in der Psychiatrie, Süddeutsche Zeitung, 28.7.2016
  4. [3] Ermittlungsstand zur Bluttat in München; „Ein klassischer Amoklauf“ , taz.de, 23.7. 2016
  5. [4], Markus Wehner: Amokläufer von München war Rechtsextremist, FAZ.net, 27. 7. 2016
  6. [5]
  7. [6] Liveticker zur Bluttat in München: +++ 13:52 Polizei überprüft absichtliche Fehlalarme +++ , n-tv Nachrichtenfernsehen
  8. Amoklauf in München (erste Ermittlungsergebnisse)
  9. Freunde von David S. nun in der Psychiatrie
  10. [7] Was folgt der Bluttat von München? Deutsche Welle , 23. 7. 2016
  11. [8] Was über den Schützen bekannt ist, Süddeutsche Zeitung
  12. http://www.spiegel.de/panorama/justiz/muenchen-motivation-von-david-sonboly-bleibt-unklar-a-1105188.html] Neunfacher Mord in München: Sein Hass so groß, Spiegel Online, vun Jörg Diehl, 28.7.2016
  13. [9] Amok im Kopf, Süddeutsche Zeitung, 23.7.2016
  14. TZ: Ali David S. (18): Das ist der Amokläufer von München, 25. Juli 2016.
  15. [10] Amoklauf in München: Im Rucksack des Täters waren noch 300 Schuss Munition, Spiegel Online