Internet

Vun Wikipedia

Dat Internet, kort ok dat Nett nöömt, is een Nettwark vun Reekners, wat över de heele Welt geiht. De Reekner sünd sülvstannig, obers mitnanner tosomenknütt as een Fischernett.

Dat Internet is för de elektronsche Kommunikatschoon. Dat heet, een kann Nettbreven rutschicken un kreegen, Datens schüffeln, Sieden vun dat World Wide Web ankieken, wat daalladen, telefoneern un anners. De Reekner snackt över wisse Protokollen mitnanner, sünnerlich dat TCP/IP-Protokoll.

Historie[ännern | Bornkood ännern]

Anfungen harr dat mit dat ARPANET, wat vun de Advanced Research Project Agency (ARPA), för dat Militäär opbaut weer. Dat schull seker ook vör een Atomslag ween, un dorüm harrn se sik överleggt, dat dat dezentral sien schull. Denn kemen de Universitäten an. Toers in de USA, denn op de ganze Welt.

  • 1969 - De Network Working Group is grunnleggt un överleggt sick de eersten Delen vun dat Protokoll. De eersten veer Knütten vun dat ARPANET fangt an to werken.
  • 1971 - ARPANET hett 15 Knütten. Telnet un FTP kümmt op.
  • 1972 - Ray Tomlinson laat sick dat eerste Nettbreef-Programm infallen.
  • 1973 - Dat Transmission Control Protocol (TCP) kümmt op.
  • 1977 - ARPANET hett 111 Knütten.
  • 1982 - Dat latere EUnet-Projekt vun de Informatik-Rekner-Bedreefsgrupp (Universität Dortmund) mookt de eersten Nettwark-Deensten in Düütschland.
  • 1983 - ARPANET hett 400 Reekner tosomenknütt.
  • 1984 - Dat Domain Name System (DNS) fangt an. ARPANET hett 1.000 Reekners.
  • 1987 - Dat Woord "Internet" kümmt op. Nu sünd 27.000 Reekners an't Net.
  • März 1989 - Tim Berners-Lee schrieft sien Papeer „Information Management: A Proposal“, dat is de eerste Idee för dat World Wide Web.
  • Anfang 1989 - De eersten düütschen Reekners warn ansluten. (Projekt EUnet, Universität Düörpm, Dr. Rudolf Peter; Arbeitsgruppe Xlink, Prof. Zorn, Universität Karlsruhe)
  • 1990 - Mit dat militäärsche ARPANET is nu toenn.
  • November 1990 - Tim Berners-Lee un Robert Cailliau bringt ehr Konzept för een Hypertext-Projekt för de heele Welt.
  • 1991 - Dat WWW ward in dat Europäisch Kernforschungslabor CERN insett.
  • Dezember 1992 - Dat Forschungsprojekt EUnet ward privatiseert. Nu as EUnet Deutschland GmbH. Ehr Werbesnack is „Connecting Europe since 1982“. EUnet ward later an UUnet verköfft.
  • 1993 - WWW-Software ward ook annerswoneem insett.
  • Mai 1993 - De IRB Dortmund mookt ehrn Webserver. To düsse Tied gifft dat in Düütschland nich mol foffteihn Webservers.
  • August 1993 - DENIC as Registrar för .de-Domains opmookt.
  • Oktober 1993 - Op de heele Welt gifft dat ca. 500 Webserver.
  • 1994 - Mehr kommerzielle Bruker as wetenschaplich Bruuker. Nu gifft dat 3 Millionen Computers, de ansluten sünd.
  • 1997 - Dat Projekt Abilene för een Internet2 fangt an.
  • Oktober 1998 - De Internet Corporation for Assigned Names and Numbers (ICANN) ward opmokt.
  • Oktober 1999 - 1 Million .de Domains.
  • 1. März 2004 - Nu gifft dat ok .de- un .ch-Domains mit Ümluut un Sünnerteken, so as ä, ö, ü.