Ambrose Mandvulo Dlamini

Vun Wikipedia

Ambrose Mandvulo Dlamini (* 5. März 1968; † 13. Dezember 2020 in Süüdafrika) weer en swasiländsch Politiker un ehmaliger Manager. Von 2018 bet 2020 weer he Premierminister vun dat Könikriek Eswatini, as Swasiland siet 2018 offiziell heet.

Leven[ännern | Bornkood ännern]

Dlamini weer luut sien Afstammen Prinz vun Mhlanhleni, wo sien Grootvader siedeln dee, in Mbekelweni. Sien Grootvader weer Prinz Magongo (ok Makhombane), de vun König Mbandzeni afstammt.[1]

He hett 1987 sien O-Level-Examen an de Salesian High School in Manzini afleggt. Ansluutend hett he en Bachelor of Commerce an de University of Swaziland un en Master of Business Administration an de Hampton University in Hampdon, Virginia maakt. Dornah hett he bi verscheden Banken arbeit. Van 2003 bit 2010 weer he Managing Director vun de Nedbank Swaziland. 2010 bit 2018 hett he as CEO dat Telekommunikatschonsünnernehmen Swazi MTN (toletzt MZN Eswatini) leit. Buterdem weer he Chairman vun de Swaziland Revenue Authority.[2]

An‘n 27. Oktober 2018 hett hüm König Mswati III. to’n Nahfolger vun de kommissarischen Premierminister Vincent Mhlanga nömmt, de tovör Barnabas Sibusiso Dlamini aflöst harr. An‘n 29. Oktober 2018 wurr Dlamini ünner Eed nommen.

An’n 13. Dezember 2020 is Dlamini in’t Amt na en COVID-19-Infekschoon doodbleven.

Enkeld Nahwiesen[ännern | Bornkood ännern]

  1. Thembeka Dlamini: Appointed PM Ambrose Dlamini of royal descent. new.observer.org.sz van’n 28. Oktober 2018 (engelsch), afropen an’n 14. Dezember 2019
  2. Sifiso Sibandze: Ambrose vs. Barnabas. times.co.sz vom 28. Oktober 2018 (engelsch), afropen an’n 14. Dezember 2019