Alfred Balcke

Vun Wikipedia
Zur Navigation springen Zur Suche springen

Alfred Balcke (* 23. April 1894 in Bremen; † 14. März 1972) weer en düütschen Politiker un Senator in Bremen.

Leven[ännern | Bornkood ännern]

Balcke hett den Beroop vun en Bankbeamten lehrt un utöövt. He weer Liddmaat vun de SPD un is 1946 in de Bremer Börgerschup wählt wurrn. Dor bleev he bit 1955. Denn hett Willem Kaisen em in'n Bremer Senat beropen. Dor folg he Emil Theil as Bosenator na. In sien Tiet hett sik en groten un wichtigen Deel vun den Wedderupbo vun Bremen na den Tweeten Weltkrieg afspeelt. He sorg dor mit för, dat besunners Wohnungen boot wurrn sünd un stünn dor för in, dat de Soziale Wahnungsbo för Lüde mit wenig Geld bedreven wurrn is. Bremen is dormols in Düütschland as „Hööftstadt vun den Sozialen Wahnungsbo“ ankeken wurrn. De Upbo vun den Oortsdeel Walle is feerdig stellt wurrn un in de Vahr sünd de Gaarnstadt Vahr un de Nee Vahr boot wurrn. Dat weern dormols in ganz Europa de gröttsten Wahnungsboprojekten.

1963 hett denn Willem Blase dat Amt vun den Bosenator övernahmen. De Senator-Blacke-Straat in Habenhusen in'n Stadtdeel Övervieland driggt sien Naam.

Kiek ok bi[ännern | Bornkood ännern]

Literatur[ännern | Bornkood ännern]

  • Handbuch der Bremischen Bürgerschaft