Alfke

Vun Wikipedia
Zur Navigation springen Zur Suche springen

Alfke is een plattdüütschen Vörnaam för Jungs un Deerns.

Herkamen[ännern | Bornkood ännern]

Alfke kümmt vun den olen Naam Alwin (Alwine) vun her. De kümmt nu wedder ut de germaansche Spraak vun den Naam Alboin oder vun den Naam Adalwin her.

Vun Alboin[ännern | Bornkood ännern]

In Alboin steekt de germaanschen Wöör Albi (Alb, Elb) un wini (Fründ) in. Denn heet Alboin De Elben ehr Fründ.

Vun Adalwin[ännern | Bornkood ännern]

In Adalwin steekt de beiden Wöör adal (vörnehm, eddel) un wini (Fründ) in. Denn heet de Naam Adalwin so wat, as vörnehm Fründ.

De plattdüütsche Naam[ännern | Bornkood ännern]

Vunwegen datt dat nu de Naams för Mannslüde (Alwin) un för Froonslüde (Alwine) geev, geev dat nu densülbigen Naam Alfke för Jungs un Deerns. Un dat keem so: Toeerst is ut de Naams Alwin un Alwine mal een korte Form billt wurrn, vunwegen de Plattdüütschen mundfuul weeren. Dor keem denn Alw oder Alf bi rut. As dor een Smusenaam för lüttje Gören vun maakt wurr, keem dor denn dat Anbacksel (Suffix) to'n Lüttjer maken (Diminutiv) -ke achtern an. So is dor denn de Naam Alfke vun wurrn. De bedutt Lütt Alwin oder Lütt Alwine.

Plattdüütsche Tonaams[ännern | Bornkood ännern]

Vun düsse plattdüütschen Vörnaams stammt ok de plattdüütschen Tonaams Alfke un Alfken vun af. De bedüüt so veel, as: Ut Alfke sien Familie oder ok Vun Alfke sienen Hoff.

Anner Spraken[ännern | Bornkood ännern]

Albine, Alvi, Alvy, Alwy, Elwine, Alvine, Alvina

Kiek ok nah bi[ännern | Bornkood ännern]

Weblenken[ännern | Bornkood ännern]

  • Wofaken un woneem de Vörnaam in Düütschland vörkummt: Alfke