Albrecht Harten

Vun Wikipedia
Zur Navigation springen Zur Suche springen

Albrecht Harten (* 25. Oktober 1937 in Swerin; † 11. Dezember 2017) weer en düütschen Politiker. He weer bi de CDU.

Leven[ännern | Bornkood ännern]

Harten is 1937 in Swerin boren. Harten hett in Swerin dat Abitur maakt un is denn ut de DDR in de BRD gahn. Sien Abitur ut de DDR hett dor nich gullen, dorüm hett he in Sleswig-Holsteen noch en tweet Maal Abitur maakt. Na de School hett he toeerst an de Universität Hamborg un denn an de Universität Mönster studeert un dor sien Diplom-Volkswirt maakt. Na dat Studium hett he toeerst bi Kaufhof anfungen. Aver he wull denn lever an de Beroopschool arbeiden un keem 1968 as Schoolmeester an de BBS Cuxhoben. Dor is he bet to sien Rohstand 2001 bleven.

Harten weer verheiraadt un hett dree Kinner.

Politik[ännern | Bornkood ännern]

Harten is in Mönster Maat von’n Ring Christlich-Demokraatsche Studenten (RCDS) worrn un weer RCDS-Vörsitter. Ok in de CDU is he rin.

In Cuxhoben is he Viez-Kreisvörsitter un later Kreisvörsitter von de CDU worrn. 1972 is he dat eerste Maal Maat von’n Stadtraad worrn un is dat bet vondaag bleven (Stand 2017).

Harten weer von’n 12. November 1981 bet 1996 Böverbörgermeester von de Stadt Cuxhoben. Bi de Kommunalwahl 1996 is denn de SPD an de Macht kamen un Hans-Heinrich Eilers is Böverbörgermeester worrn. Harten weer von 1999 bet 2000 denn Eersten Börgermeester, von 2000 bet 2006 Tweten Börgermeester, von 2006 bet 2011 Eersten Börgermeester un von 2013 af an Drüdden Börgermeester.