Hans-Heinrich Eilers

Hans-Heinrich Eilers (* 30. August 1931 in Cuxhoben; † 7. August 2019 ok dor) weer en düütschen Politiker von de SPD.

Eilers is 1931 in Cuxhoben boren un weer dor op de Volksschool. He hett denn 1952 an dat Amandus-Abendroth-Gymnasium sien Abitur maakt un an de Universität Hamborg Juristeree studeert. 1956 hett he de eerste juristische Staatsprüfung bi dat Oberlandsgericht Hamborg maakt un sien juristischen Vörbereidungsdeenst in Neddersassen anfungen. Den hett he mit dat twete Staatsexamen afslaten un denn 1968 in Göttingen sien Dokterarbeid schreven.

Von 1960 af an weer Eilers Beamten in de neddersassische Landsverwaltung. In’n Mai 1964 is he afornt worrn un in’n Januar 1965 ganz versett worrn in’n Landkreis Celle as allgemenen Vertreder von’n Oberkreisdirekter. An’n 1. Juni 1968 is he Oberstadtdirekter von de Stadt Cuxhoben worrn. Dat is he bleven bet he 1990 in’n Landdag von Neddersassen wählt worrn is.

Eilers weer Maat von’n Opsichtsraad von de Seefischmarkt un Havenümslag Cuxhoben GmbH un von de Cux Port, Seehafen Dienstleistungs GmbH in Cuxhoben. Siet 1991 weer he Raadsherr un Biornten von de Stadt Cuxhoben.

Eilers is in de twölfte Wahlperiood von’n 21. Juni 1990 bet 20. Juni 1994 in’n Landdag von Neddersassen wählt worrn un in de dörteihnste Wahlperiood bet 1998 ok wedder.

He weer von 1996 bet to’n 25. Juni 2000 Börgermeester von de Stadt Cuxhoben.