Albrecht Andreas Ramdohr

Vun Wikipedia
Zur Navigation springen Zur Suche springen

Albrecht Andreas Ramdohr (* 3. Oktober oder 5. Dezember 1649 in Bruunswiek; † 6. März 1730 in Stood) weer en hannöverschen Verwaltungsbeamten.

Ramdohr is 1649 as Söhn von Dorothea, borene Schulte (1629-1674), un Andreas Ramdohr (1613-1656) ut dat Adelsgeslecht Ramdohr in Bruunswiek boren. He is 1716 neet adelt worrn un hett denn von Ramdohr heten.

He weer Kamerraad in Celle un Hoffgerichtsassesser.

He weer von 1715 bet 1716 tohoop mit Cord Plato von Schloen, gen. Gehle, kommissarsch Vörsitter von de Regerung in de Hertogdömer Bremen un Veern, nadem dat Königriek Hannover an’n 15. Oktober 1715 de Hertogdömer von Däänmark övernahmen harr. De Regerung seet in Stood. Verbunnen mit dit Amt is he Gehemen Kamerraad worrn. An’n 7. November 1724 hett he dat Amt wedder afgeven.

Ramdohr hett an’n 19. April 1677 in Frankfort an de Oder Maria Theodora Heinsius (1658-1689) freet. De beiden hebbt de Söhns Melchior Albrecht (1678-1727) un Johann Andreas (1680-1732) hatt. In twete Eh hett he in Celle Sara Backmeisters (15. März 1670-1744) freet. Mit ehr harr he de Kinner Christian Ludwig (1691-4. August 1731), Georg Wilhelm (30. Juni 1693-1722), Friederich August (* 6. Oktober 1695), Sara Dorothea (* 26. Februar 1697), Gottlieb Christian (13. Oktober 1700-1773), Margaretha Louise (8. Oktober 1705-1790) un Albrecht Andreas (6. April 1709-1775).