(90) Antiope

Vun Wikipedia
(90) Antiope
Egenschoppen vun’n Orbit
(Simulatschoon)
Orbitklass Hööftgördel
Grote Halfass 3,150 AE
Perihel — Aphel 2,627 — 3,673 AE
Bahnexzentrizität 0,1661
Bahnnegen gegen de Ekliptik 2,207 °
Ümlooptiet 5,59 a
middlere Bahnsnelligkeit 16,7 km/s
Physikaalsch Egenschoppen
Dörmeter 116,0 km
Masse 4,2 · 1017 kg
Middlere Dicht 1,25 ± 0,05 g/cm³
Rotatschoonsduer 16,509 h
Albedo 0,058
Historie
opdeckt vun K. T. R. Luther‎
an’n 1866-10-011. Oktober 1866
in Düsseldörp
Annere Beteken 1952 BK2


(90) Antiope is en Asteroid ut den Hööftgördel, de an’n 1. Oktober 1866 vun den düütschen Astronom Karl Theodor Robert Luther‎ in Düsseldörp opdeckt worrn is. In’t Johr 2000 is faststellt worrn, dat sik dat hier üm en System vun twee Körpers hannelt, de ruchweg gliek groot sünd.

Beteken[ännern | Bornkood ännern]

Nöömt is de Asteroid na de Figur Antiope ut de greekschen Mythologie nöömt. Man, dat is nich kloor, welke nipp un nau meent is. Dormit kann de Amazoon Antiope meent wesen, de vun Theseus roovt weer, oder Antiope, de een Leefste vun Zeus weer un em twee Söhnen boren hett.

Siet bekannt is, dat sik dat hier üm en Dubbelsystem hannelt, warrt de Naam Antiope offiziell för de gröttere Kumponent bruukt, wiel de lüttere Begleider de vörlöpige Beteken S/2000 (90) 1 hett. Man faken is mit den Naam Ok dat hele System meent.

Egenschoppen[ännern | Bornkood ännern]

Antiope kreist rechtlöpig in en middleren Afstand vun 3,15 AE üm de Sünn un bruukt dorför ruchweg fief’nhalf Johren. Dat Antiope-System höört to de Themis-Familie, de op lieke Bahnen üm de Sünn loopt un wohrschienlich Schören vun en fröhere Kollision dorstellt.

Biller vun’t Antiope-System 2003–2005 mit dat VLT

Antiope roteert in 16 Stünnen un 30 Minuuten eenmol üm de Ass. De Ümlooptiet is dorbi gliek de Rotatschoonstiet un de lüttere Kumponent verhollt sik jüst so. Somit hannelt sik dat hier üm en dubbelt bunnene Rotatschoon, so dat sik beide Körpers jümmer de glieke Siet wiest. Vörutsetten dorför is de glieke Masse vun de Kumponenten un en drange Ümloopbahn.

De Dörmeter vun ~116,0 km betütt sik op dat System vun beide Körpers, man dat is blots en theoretischen Weert, vunwegen dat sik dat üm twee Körpers hannelt. Beobachten ut dat Johr 2000 hebbt wiest, dat sik dat üm twee ruchweg gliek grote Körpers hannelt, de in en Afstand vun 170 km üm’nanner kreist. De gröttere Kumponent, de offiziell (90) Antiope heet, wiest en Dörmeter vun 87,8 km. De lüttere Kumponent mit de Beteken S/2000 (90) 1 hett en Dörmeter vun 83,8 km un warrt as Maand ankeken. De Masse vun’t Samtsystem is mit 8,3 · 1017 kg berekent worrn.

Kiek ok[ännern | Bornkood ännern]