Zagreb

Vun Wikipedia
Wesseln na: Navigatschoon, Söök
Zagrzeb stare miasto.jpg

Zagreb [[ˈzɑːgreb]] (düütsch Agram, ungaarsch Zágráb) is de Hööftstadt un togliek de gröttste Stadt vun Kroatien. De Stadtkaarn sülvst hett en kroatsch Verwaltenseenheit (en sogenannte Gespanschaft). De Region drüm to hett en eegen Verwaltenseenheit.

Zagreb liggt to Foot vun dat Medvednica-Gebirges an beid Sieden vun de Stroom Save in’ Süüdwesten vun de Pannonsche Deepebene. Dat Wohrteken vun de Stadt is de Kathedrale.

De Naam kummt wohrschienlich vun „zagrabiti“ (düütsch. „(Wasser) schöpfen“), eenig Lüüd seggen aber ok vun „Zāgros“, en Gebirge in dat hüdige Iran. [1].

Inwahner[ännern | Bornkood ännern]

De Stadt hett meest 800.000 Inwahner, dorvan 91,94% Kroaten. Ruch weg 25% vun de Gesamtinwahners vun Kroatien leevt in de Grootruum Zagreb. Dat is dormit de politisch, weertschaplich un kulturell Zentrum vun dat Land.

Historie[ännern | Bornkood ännern]

König-Tomislav-Platz

De Naam Zagreb wurr to’n eersten Mal 1094 nömmt, as de in Personalunion ungarsch-kroatisch König Ladislaus I. de Zagreber Dözese grünnd hett. De Stadt hett sück ut de beid Siedlungen Kaptol (Kapitel) un Gradec, de hüdtodag de Karn vun de Oldstadt Zagrebs bilden. In Gradec weern de Handwarker un Kooplüüd to Huus un in Kaptol de Karkenlüüd, in de de Kanoniker vun dat Bistum Zagreb wahnen deen. Tüschen de beid Städer geeft dat immer weer Utnannersetten. 1557 wurr Zagreb eerstmals as Hööftstadt vun Kroatien nömmt. 1850 hebbt se Gradec un Kaptol to de Stadt Zagreb tosommenfaat.

Born[ännern | Bornkood ännern]

  1. Iran Chamber Society: Common Origin of Croats, Serbs and Jats

www.dzs.hr

Weblenken[ännern | Bornkood ännern]

Die Stadt Zagreb bild en eegen Gespanschaft
Commons-logo.svg Zagreb. Mehr Biller, Videos oder Audiodateien to’t Thema gifft dat bi Wikimedia Commons.