Wolfgang Clement

Wolfgang Clement (* 7. Juli 1940 in Baukem; † 27. September 2020 in Bonn) weer düütschen Politiker van de SPD (bit 2008).

He weer vun 1998 bit 2002 Ministerpräsident van Noordrhien-Westfalen un vun 2002 bit 2005 Bundminister för Weertschop un Arbeit.

Nah sien Abitur an de Graf-Engelbert-School in Baukem hett Clement anfangs bi de Zeitung Westfälische Rundschau in Düörpm arbeit. Dornah hett he Rechtswetenschop in Mönster studeert. 1965 hett he sien eerst juristisch Staatsexamen maakt un dornah as Assistent un Rechtsrefrendar an de Universität in Marburg arbeit. Clemment is aber 1968 weer nah de Westfälische Rundschau gahn un dor bit to’n Viez van’n Chefredaktör upstegen. Van 1986 bit 1989 weer he denn Chefredaktör bi de Zeitung Hamburger Morgenpost.

Wolfgang Clement is verheiraat, hett fiev Dochters un wahnt in Bonn.

Siet 1970 is Clement Lidmaat van de SPD. Vun 1981 bit 1986 weer he Spreker van de Bundsvörstand un van 1985 bit 1986 dorto Viez van’n Bundsgeschäftsföhrer van de Partei.

Vun 1994 bit 2001 hörr he de Landsvörstand in Noordrhien-Westfalen an, siet 1996 as Viez van’n Vörsitter. Siet 1997 is he Lidmaat in de SPD-Bundsvörstand und siet 1999 Viez van’n Bundsvörsitter.

Een Johr later is he denn Johannes Rau as Ministerpräsident van Noordrhien-Westfalen upfolgt.

Nah Striedereen mit de Partei üm de Richtung un nahdem en Parteiordnungsverfohren tegen hüm inleidt wurrn weer, is he in' November 2008 ut de SPD uttreden.