Bundsministerium för Weertschop un Energie

Vun Wikipedia
Wesseln na: Navigatschoon, Söök
De Sitt vun’t Weertschopsministerium in Berlin

Dat Bundsministerium för Weertschop un Energie (BMWi) is en Bundsministerium vun de Bundsrepubliek Düütschland. Grünnt weer dat Ministerium 1949 as Bundsministerium för Weertschop. De Hööftdeenstsitt vun’t Ministerium liggt in Berlin in de Invalidenstraat in’n Bezirk Mitte. En tweeten Deenstsitt befinnt sik in de ehmoligen von-Gallwitz-Kaserne in Bonn-Duisdorf. De Bundsminister is to Tiet Sigmar Gabriel vun de SPD.

Historie[ännern | Bornkood ännern]

Dat 1917 grünnte Rieksweertschopsamt kann as de Vörlöper vun’t hüütige Bundsministerium för Weertschop un Technologie ansehn warrn. Dat hett sik 1919 in dat Rieksweertschopsministerium entwickelt, dat bit 1945 Bestand harr. Vun 1946 bit 1949 weern de Opgaven vun’t Verwaltensamt för Weertschop övernahmen. Dat Bundsministerium för Weertschop geev dat na de Grünnen vun de Bundsrepubliek Düütschland in’t Johr 1949 bit in’t Johr 1998. Twüschendör, vun Mai 1971 bit Dezember 1972, weer dat Ministerium för en Tiet lang mit dat Bundsministerium för Finanzen to’t Bundsministerium för Weertschop un Finanzen tosamenleggt. 1998 is dat Technologierebeet ut dat Forschensministerium dorto kamen. Siet de Tiet hett dat sien hüütigen Naam. Twüschen 2002 un 2005 weer dat mit Deelen ut dat Bundsministerium för Arbeit un Sozialornen to’t Bundsministerium för Weertschop un Arbeit tosamenleggt. Disse beiden Rebeden sünd aver 2005 wedder splitt worrn, as de Bundsregeeren ünner Angela Merkel an’t Regeer kamen is. Dorna weer dat Ressort bit Dezember 2013 ünner de Beteken Bundsministerium för Weertschop un Technologie bekannt.

Struktur un Behörden[ännern | Bornkood ännern]

För de Arbeit an sien Opgaven is dat Ministerium in acht Afdeelen un en Zentralafdeel indeelt worrn:

  • Zentralafdeel – Z
  • Europapolitik – E
  • Weertschopspolitik – I
  • Middelstandspolitik – II
  • Energiepolitik – III
  • Industriepolitik – IV
  • Butenweertschopspolitik – V
  • Kommunikatschoons- un Postpolitik – VI
  • Technologiepolitik - VII

Mehrere Bundsämter sünd dat Ministerium naordent. Dorto höört dat Bundskartellamt (BKartA) un de Bundsnettagentur för Elektrizität, Gas, Telekommunikatschoon, Post un Iesenbahn (BNetzA) in Bonn. In Berlin gifft dat wieter de Bundsanstalt för Materialforschen un -prüfung (BAM), de Physikaalsch-Technische Bundsanstalt (PTB) mit Hööftsitt in Bronswiek un de Bundsanstalt för Eerdwetenschoppen un Rohstoffen (BGR) mit ehrn Tweetsitt in Hannober. Dorto kamt noch dat Bundsamt för Weertschop un Utfohrkontroll (BAFA) in Eschborn un Bochum as ok de Germany Trade and Invest (gtai) in Köln.

Deenstsitt[ännern | Bornkood ännern]

De Hööftsitt vun’t Bundsministerium för Weertschop un Technologie is in en Kumplex vun Bowarken ünnerbröcht, dat ut histoorsche Hüüs vun de ehmoligen Kaiser-Willem-Akademie (Militärmedizinische Akademie) un de Överresten vun ehmolige Invalidenhuus besteiht, wo noch en poor Neebo-Hüüs tokamen sünd. Dat Invalidenhuus stammt oorsprünglich ut de Mitt vun’t 18. Johrhunnert un leeg to de Tiet buten de Stadt. Dat Bowark vun de Kaiser-Willem-Akademie is üm 1900 rüm boet worrn.

Weblenken[ännern | Bornkood ännern]