Karl Schiller

Vun Wikipedia
Wesseln na: Navigatschoon, Söök
Karl Schiller, 1969

Karl August Fritz Schiller (* 24. April 1911 in Breslau; † 26. Dezember 1994 in Hamborg) weer en düütsch Wetenschapler un Politiker vun de SPD.

He weer vun 1966 bis 1972 Bundsminister für Wertschap un van 1971 bit 1972 tosätzlich Bundsminister för Finanzen. He weer fedderföhrend an dat Entstahn vun dat Stabilitäts- un Wasdomsgesett mit sien in dat Magisch Veereck dorstellt Zielen bedeeligt. Dorneben weer he Initiator vun de Konzertierte Aktion. Wiel he dor de Globalsteuerung in Düütschland en Grundlaag per Gesett geev, wurrd he faken tosommen mit Ludwig Erhard as bedüüdenst Wertschapspolitiker vun de Nahkriegsdiet benömmt.

Utbilden un Berop[ännern | Bornkood ännern]

Nah sien Abitur absolveer Schiller af 1931 en Studium der Volkswertschapslehr un Juristeree in Kiel, Frankfort an’n Main, Berlin un Heidelbarg, wat he 1935 as Diplom-Volkswert un mit de Promotschon to’n Dr. rer. pol. beend hett. Während sien Studium wurr he vun de Studienstiftung des deutschen Volkes fördert. Van 1935 bit 1941 weer he den Baas vun en Forschungsgrupp an’t Institut för Weltwertschap in Kiel. 1939 hett he sück habiliteert. Van 1941 bit 1945 nehm he as Suldat an’ tweeten Weltkrieg deel. Af 1947 weer he Professer för Wertschapstheorie an de Universität Hamborg. An de Grünnen vun de Akademie für Gemeinwirtschaft 1948 hett he maatgevend mitwarkt. Van 1956 bi 1958 amteer he dorneben as Rektor vun de Universität Hamborg. Van 1948 bit 1966 weer he Lidmaat vun de wetenschapliche Biraat in’t Bundswertschapsministerium.

Partei[ännern | Bornkood ännern]

Schiller weer Lidmaat vun NSDAP, NSDStB un Nationalsozialistischen Düütsch Dozentenbund.

Van 1946 bit 1972 un nochmal af 1980 weer he Lidmaat vun de SPD. 1972 hett he sück tosommen mit Ludwig Erhard an en Anzeigenkampagne vun de CDU bedeeligt, in de beid als Höder vun de Marktwertschap uptreden.

Afordnter[ännern | Bornkood ännern]

Van 1946 bit 1957 weer he Lidmaat vun de Hamborgsche Börgerschap. Van 1965 bit 1972 weer he de Lidmaat vun den Düütschen Bundsdag un dor van 1965 bit 1966 stellvertredend Vörsitter vun de SPD-Bundsdagsfraktschoon.

Apenlich Ämter[ännern | Bornkood ännern]

Van 1948 bit 1953 weer he Senator för Wertschap un Verkehr vun de Free un Hansestadt Hamborg un van 1961 bit 1965 weer he ünner Willy Brandt Wertschapssenator in Berlin.

In de Groote Koalitschoon ünner Bundskanzler Kurt Georg Kiesinger weer he af den 1. Dezember 1966 Bundsminister für Wertschap. In disse Tite hett he den Begreep Ablaufpolitik präägt. He hett in disse Tiet ok eng mit de Bundsfinanzminister Franz Josef Strauß tosommenarbeidt. Beid hebbt denn in de Apenlichkeit de Ökelnaam Plisch und Plum (nah Wilhelm Busch) kregen.

In date eerste Kabinett vun Bundskanzler Willy Brandt weer he ok Wertschapsminister. Nahdem Bundsfinanzminister Alexander Möller torüchtreden weer wurr Schiller an’ 13. Mai 1971 to’n Bundsminister för Wertschap un Finanzen ernennt. Vun dit Amt is he an’ 7. Juli 1972 ut Protest tegen de vun Bundskanzler Brandt dropen wertschapspolitischen Entscheidungen torüchtreden un ut de Bundsregeeren utscheden.

Dem Bonner Volksmund is Karl Schiller bit hüüd en Begreep; de Park vun dat Slott Haus Carstanjen, in de 1970er Johren Seet vun dat Bundsfinanzministerium, heet bit hüüd eenfak Schillerpark.

Ehrungen[ännern | Bornkood ännern]

1986 hett Schiller vun de Hamborger Senat de Bürgermeister-Stolten-Medaille kregen. 1991 wurr he mit die Bundsverdeenstkrüüz mit Steern un Schullerband uttekent.

Literatur[ännern | Bornkood ännern]

  • Matthias Hochstätter: Karl Schiller - eine wirtschaftspolitische Biografie. Dissertation, Hannover, 2006. [1] oder [2]
  • Torben Lütjen: Karl Schiller (1911-1994). „Superminister“ Willy Brandts. Bonn, 2007.