Wintersleep

Vun Wikipedia
Wesseln na: Navigatschoon, Söök
Wintersleep (2004)
Singer bi Wintersleep: Paul Murphy

Wintersleep is en kanaadsche Independent-Rockgrupp ut Halifax, Nova Scotia. Se besteiht ut de fief Musikers Paul Murphy, Loel Campbell, Tim D’eon, Jon Samuel un Mike Bigelow. De Musikgrupp is in’t Johr 2008 mit en Juno Award uttekent worrn.

Historie vun de Grupp[ännern | Bornkood ännern]

Wintersleep is in’t Johr 2001 grünnt worrn.[1] Se hebbt twee Albums bi Dependent Music publizeert, en Independent-Musiklabel in Yarmouth, dat 1994 grünnt weer.

2006 hett Wintersleep en Verdrag mit Labwork Music maakt, en Partnerlabel vun Sonic Unyon un EMI Music Canada, bi dat se jemehr beiden eersten Albums noch mol för den US-amerikaanschen un kanaadschen Markt nee verapentlicht hebbt. Nee weern dorbi Bonus-Leder un Videos, de dat bi eerste Rutkamen nich geven hett. Jemehr drütt’ Album weer 2007 Welcome to the Night Sky. Dat Johr dorop weer de Grupp denn mit den Juno Award uttekent in de Kategorie 'New Group of the Year.

De Liddmaten vun de Grupp arbeit faken ut mit annere Musikers tosamen. Murphy un D’eon hebbt tosamen in de Grupp Kary speelt, bi de ok de Slagtüüchspeler Campbell tietwies mit dorbi weer. Campbell is aver noch an en Reeg annere Projekten bedeleigt, so as Contrived, Holy Fuck, Hayden, Chikita Violenta, Land of Talk, The Holy Shroud oder The Remains of Brian Borcherdt. Tosamen mit sien Broder weer Murphy an dat Projekt Psotdata bedeeligt. Bigelow weer Bassist tosamen mit Campbell in de Grupp Contrived un hett ok mitmaakt bi Holy Fuck un The Holy Shroud. D’eon weer as Gitarrspeler ok en Tiet bi Contrived un hett op jemehr eersten beiden Albums Pursuit of Plots un Dead Air Verbatim speelt. Samuel, opletzt, weer Liddmaat vun de Grupp Slight Return ut Halifax.

Bi Paul McCartney sien Kunzert in Halifax an’n 11. Juli 2009 weern Wintersleep as een vun de Vörgruppen utwählt.[2] Dat glieke Johr hebbt Wintersleep mit de Arbeit an’t veerte Album anfungen, dat 2010 rutkamen is. Mit Hello Hum is 2012 denn dat föffte Album op’n Markt kamen.

Diskografie (Albums)[ännern | Bornkood ännern]

  • 2003: Wintersleep
  • 2005: Ahn Titel
  • 2007: Welcome to the Night Sky
  • 2010: New Inheritors
  • 2012: Hello Hum

Borns[ännern | Bornkood ännern]

  1. Wintersleep op allmusic.com" afropen an’n 5. August 2012
  2. "McCartney hires Halifax musicians as opening acts". CTV News vun’n 9 Juli 2009

Weblenken[ännern | Bornkood ännern]