Vörgrupp

Vun Wikipedia
Wesseln na: Navigatschoon, Söök

En Vörgrupp oder (engelsch: Supporting Act oder Opening Act) is in’t Musikgewarf en Künstler oder Musikgrupp, de bi en Konzert vör den egentlichen Star vun de Veranstalten (den Headliner) optreden deit. Tyypscherwies hebbt de Vörgruppen blots en inschränkte Tiet (normalerwies 20-40 Minuuten), begrenzten Ruum un en inschränkten Bruuk vun de Lichtanlaag för jemehrn Optritt. Mitünner künnt se ok blots op en begrenzte Leistung vun de PA torüchgriepen.

Kommerziell Ünnerstütten[ännern | Bornkood ännern]

In’t Rebeet vun de Clubs oder bi lütte Festivals is dat begäng, dat de Vörgrupp wenig oder gor keen Geld för jemehrn Optritt kriegt. Bi Konzerten von bekannte Interpreten un Gruppen is dat dorgegen begäng, dat unbekannte Vörgruppen bit to 10.000 Euro an’n Avend betahlen doot, vun wegen dat se as Vörgrupp vun en Star bekannter warrt un dormit en Warf-Effekt hebbt[1]

Tour Ünnerstütten[ännern | Bornkood ännern]

Bi’n Tour-Support föhrt de Vörgrupp mit den Headliner op een Tournee oder is tomindst bi en Deel vun en Tournee as Vörgrupp mit dorbi. Dat künnt Gruppen wesen, de mit den Headliner befrünnt sünd. Jüst so künnt dat ok Gruppen oder Künstler wesen, de vun de Labels stellt warrt, vun wegen dat se noch nich noog Lüüd antehn doot för en egene Tour oder üm en Grupp, de natschonal al Spood hett internatschonal bekannt to maken. Dat letzte warrt faken ok verbunnen mit en nee Album, dat internatschonal op’n Markt bröcht warrt, un mit inköffte Airplays

Öörtlich Ünnersütten[ännern | Bornkood ännern]

Bi’n Local Support speelt regionale oder natschonal bekannte Gruppen, de tomeist vun’n Veranstalter vör Oort ünner Verdrag nahmen warrt. Dat öörtliche Ünnerstütten is faken to’n Vördeel vun beide Sieten, vun wegen dat de öörtlichen Gruppen de Mööglichkeit hebbt, mit internatschonal bekanntere Gruppen tosamen to spelen un dorbi Kuntakten to knütten, de för de wietere Loopbahn villicht mol helpen künnt. Togliek bringt öörtlich bekannte Gruppen faken ok jemehr Stammpublikum mit, dat för de Tournee vun den Headliner nödig is, dat sik de Veranstalten ok lohnt, vun wegen dat de Headliner woll al internatschonal bekannt is, man noch nich noog Anhangers hett, üm de Kosten vun en Konzert inspelen to künnen. Bi gröttere Konzerten warrt mitünner ok wedder junge Gruppen vun jemehr Label as Vörgrupp insett, üm den Warf-Effekt to nütten.

Borns[ännern | Bornkood ännern]

  1. Thomas Schulz: Jenseits der Schamgrenze. In: Der Spiegel 38/2006, S.111-112