Urania (Mythologie)

Vun Wikipedia
De Muse Urania. Wedder herstellte Marmorstatue na greeksche Vörlagen ut dat 4. Jahrhundert.

Urania is en vun de negen Musen ut de Greeksche Mythologie. Se is tostännig för de Steernkunn (Astronomie). Dat gifft bi de olen Greken noch en annere Urania: Dat is en Dochter vun Okeanos un Thetys.

Mythos[ännern | Bornkood ännern]

As al Musen is Kalliope en Göddin. Se is ja en Dochter vun Zeus un siene Leevste Mnemosyne. De een oder annere antike Schriever vertellt, dat Urania mit den olympschen Gott Apoll de beiden Söhns Hymenäos un Linos harrt hett. Annere meent, Linos weer woll de Söhn vun Kalliope.

Ikonographie[ännern | Bornkood ännern]

Urania warrt afbillt un dorstellt mit ehre Teken, den Wieser un den Himmelsglobus.

Philosophie[ännern | Bornkood ännern]

In de late Antike hefft Macrobius un Martianus Capella de Pythagoreers ehre Gedanken to de Sphärenharmonie so utarbeit’, dat de Musen dorbi tostännig weern för de enkelten Sphären vun den Heben. Dorbi hett Urania ehrn Platz in’n Fixsteernhimmel kregen. Dor hett se den hööchsten Toon in de Sphärenharmonie mit harrt.

Astronomie[ännern | Bornkood ännern]

Vun düsse Muse hett de Asteroid (30) Urania sien Naam vun her. Veel Steernwachten un astronoomsche Verenen dreegt ehrn Naam.

Weblenks[ännern | Bornkood ännern]

Urania. Mehr Biller, Videos oder Audiodateien to’t Thema gifft dat bi Wikimedia Commons.